کراچی کے علاقے فیروزآباد میں مسلح ڈاکو سونے کے تاجرسے 3 کروڑ 98 لاکھ روپے چھین کمر فرار ہوگئے، واقعے کا تھانہ فیروزآباد میں درج کر لیا گیا ہے۔

پولیس حکام کے مطابق مقدمہ متاثرہ تاجر محمد بلال کی مدعیت میں درج کیا گیا ہے، جس میں کہا گیا ہے کہ سونے کے تاجرسے مسلح ڈاکو 3 کروڑ 98 لاکھ روپے چھین کر فرار ہوگئے ہیں۔

مزید پڑھیں: گوجرانوالہ، قومی ہیرو کی والدہ سے ڈکیتی، پولیس کی دوڑیں

مدعی کا کہنا ہے کہ وہ سونا فروخت کرکے صدر صرافہ بازار سے واپس اپنے ساتھ ملازم کے ہمراہ پی ای سی ایچ ایس کے علاقے میں آرہا تھا کہ اچانک ملزمان نے ان پر اسلحہ تان دیا اور ملازم سے نقد رقم چھین کر پیدل فرار ہو گئے۔

مدعی کے مطابق ملزمان شلوار قمیض میں ملبوس تھے اور واردات کے بعد موقع سے فرار ہو گئے۔ پولیس حکام نے جائے وقوعہ کے اطراف سے سی سی ٹی وی فوٹیجز حاصل کر لی ہیں اور ملزمان کی تلاش شروع کر دی ہے۔

پولیس حکام کا کہنا ہے کہ سی سی ٹی وی شواہد کی روشنی میں تحقیقات تیزی سے جاری ہیں اور جلد ملزمان کو گرفتار کر کے مقدمے کی مزید کاروائی کی جائے گی۔