سابق چیئرمین اسیٹ ریکوری یونٹ اور سابق مشیر احتساب مرزا شہزاد اکبر نے 190 ملین پاؤنڈ کرپشن اسکیم کے ذریعے پاکستان کو شدید مالی نقصان پہنچایا۔

 تحقیقاتی رپورٹ میں انکشاف ہوا ہے کہ مرزا شہزاد اکبر نے 6 نومبر 2019 کو “Deed of Confidentiality” پر دستخط کیے جس کے نتیجے میں یہ رقم بحریہ ٹاؤن کے اکاؤنٹ سے رجسٹرار سپریم کورٹ کے نام کردہ اکاؤنٹ میں منتقل ہوئی، جسے جعلی طور پر اسٹیٹ بینک آف پاکستان کا اکاؤنٹ ظاہر کیا گیا۔

مزید پڑھیں: مریم اورنگزیب نے شہزاد اکبر کو مافیا کا جعلی ترجمان قرار دے دیا

رپورٹ کے مطابق، شہزاد اکبر نے فروری (4–8) اور مئی (22–26) 2019 میں برطانیہ کے دورے کیے، جہاں انہوں نے برطانوی ہوم سیکرٹری اور نیشنل کرائم ایجنسی (NCA) کے ڈی جی سے ملاقاتیں کیں اور فنڈز کی واپسی کے لیے خفیہ روڈ میپ تیار کیا، مگر اس میں FBR، FIA یا اسٹیٹ بینک کو شامل نہیں کیا گیا ۔

ذرائع کا کہنا ہے کہ بد نیتی کے باعث رقم ریاست کی بجائے بحریہ ٹاؤن کو منتقل ہوئی، جبکہ مرزا شہزاد اکبر نے نومبر اور دسمبر 2019 کے دوران کابینہ کو معاہدے سے آگاہ کرنے میں تاخیر کی جو اختیارات کے ناجائز استعمال اور بد نیتی کا ثبوت ہے ۔

مزید پڑھیں: پی ٹی آئی کےاحتساب کے نعرے کو جھٹکا

یہ اسکینڈل “Al‑Qadir Trust” یا £190 ملین کیس کے مرکزی پہلوؤں سے منسلک ہے، جس میں سابق وزیراعظم عمران خان، بشریٰ بی بی، اور دیگر افراد بھی نامزد ہیں، اور قومی احتساب بیورو (NAB) اس میں تحقیقات کر رہا ہے۔

اس کیس میں شہزاد اکبر کو بدعنوانی فنڈز چھپانے، اختیارات کے ناجائز استعمال اور جرائم کے عہدے کا ذمہ دار قرار دیا گیا ہے، اور وہ اشتہاری مجرم قرار دیے جا چکے ہیں ۔