کرکٹ شائقین کے لیے بڑی خبر آ گئی ہے ایشیا کپ 2025 کے سنسنی خیز مقابلوں کے ٹکٹ آج شام سے آن لائن دستیاب ہوں گے۔

متحدہ عرب امارات میں ہونے والے اس ایونٹ کے لیے شائقین بے تاب ہیں، خصوصاً پاک بھارت ٹاکرے کے حوالے سے جو ہمیشہ ہی کروڑوں دلوں کی دھڑکن بن جاتا ہے۔

ابوظہبی میں ہونے والے میچز کے ٹکٹ کی ابتدائی قیمت 40 درہم رکھی گئی ہے، دبئی میں شیڈول میچز کے ٹکٹ 50 درہم سے شروع ہوں گے۔

سب سے زیادہ انتظار کیے جانے والے بھارت بمقابلہ پاکستان میچ کا ٹکٹ سات میچوں کے پیکیج کا حصہ ہے

پیکج ٹکٹ کی قیمت 1400 درہم مقرر کی گئی ہے، جس میں پاک بھارت میچ سمیت دیگر دلچسپ مقابلے شامل ہیں

شائقین کے لیے سہولت کو مدِنظر رکھتے ہوئے آئندہ چند روز میں یہ ٹکٹس دبئی اور ابوظہبی کے اسٹیڈیمز کے باکس آفسز پر بھی دستیاب ہوں گے۔

تاہم امکان ہے کہ پاک بھارت مقابلے کے ٹکٹ آن لائن ہی جلد فروخت ہو جائیں اس لیے شائقین کو بروقت بکنگ کی ہدایت دی گئی ہے۔