لاہور: پاکستان کرکٹ ٹیم کے مینیجر نوید اکرم چیمہ نے بھارتی ٹیم کے رویے اور میچ ریفری کے طرزِ عمل پر باقاعدہ احتجاج ریکارڈ کروا دیا ہے۔

مینیجر نوید اکرم چیمہ نے کہا کہ بھارتی کھلاڑیوں کا ہاتھ نہ ملانا کھیل کے آداب اور اسپورٹس مین اسپرٹ کے خلاف ہے۔

مزید پڑھیں: الیسٹر کک اور مائیکل وان کی ٹیسٹ کرکٹ قوانین میں بڑی تبدیلیوں کی تجویز

ان کے مطابق میچ کے آغاز پر ٹاس کے وقت میچ ریفری نے کپتانوں سے ہاتھ نہ ملانے کی درخواست کی، جسے پاکستانی ٹیم نے ناپسندیدگی سے دیکھا۔

ذرائع کے مطابق کپتان سلمان علی آغا نے بھارتی رویے کے خلاف اختتامی تقریب میں شرکت سے انکار کر دیا۔

پاکستانی ٹیم کے ہیڈ کوچ مائیک ہیسن نے کہا کہ بھارتی ٹیم کی جانب سے کی گئی اس حرکت پر پاکستانی ردعمل بالکل فطری تھا۔