بھارت نے ایشیا کپ کے اہم میچ میں پاکستان کو ایک بار پھر 7 وکٹوں کے بڑے مارجن سے شکست دے دی۔

بھارت نے پاکستان کا 127 رنز کا ہدف 15.5 اوورز میں 3 وکٹوں کے نقصان پر پورا کر لیا۔

بھارت کی جانب سے ابھیشیک شرما نے 31 رنز بنائے، شبھمن گل 10، اور تلک ورما نے 31 رنز بنائے۔

سوریا کمار یادیو 47 اور شیوم ڈوبے 10 رنز پر ناٹ آؤٹ رہے۔

بھارت کی گرنے والی تمام تین وکٹیں صائم ایوب نے حاصل کیں۔

اس سے قبل پاکستان نے ٹاس جیت کر پہلے بیٹنگ کا فیصلہ کیا اور 127 رنز بنائے۔

ایشیا کپ 2025 کے ہائی وولٹیج چھٹے میچ میں بھارت کے خلاف پاکستان کی بیٹنگ لائن ریت کی دیوار ثابت ہوئی، اور مقررہ 20 اوورز میں 9 وکٹوں کے نقصان پر 127 رنز بنا سکی۔

صائم ایوب ایک دفعہ پھر پہلی ہی گیند پر آؤٹ ہوئے جبکہ محمد حارث تین رنز بنا کر پویلین لوٹ گئے، جبکہ فخر زمان 17 رنز بنا آؤٹ ہوئے اور سلمان آغا 3 رنز بنا سکے۔

صاحبزادہ فرحان 40 رنز بنا کر سب سے نمایاں بیٹسمین رہے، فہیم اشرف 11 رنز بنا سکے، سفیان مقیم 10 رنز بنا سکے جبکہ شاہین شاہ آفریدی نے 16 گیندوں پر 4 چھکوں کی مدد سے 33 رنز کی ناقابل شکست اننگ کھیلی۔

بھارت کی جانب سے کلدیپ یادیو نے 3، اکشر پٹیل اور جسپریت بمرا نے 2،2 کھلاڑیوں کو آؤٹ کیا۔

ایشیا کپ 2025 کے ہائی وولٹیج میچ میں پاکستان نے بھارت کے خلاف ٹاس جیت کر پہلے بیٹنگ کا فیصلہ کیا ہے۔

گرین شرٹس کے کپتان سلمان آغا نے ٹاس جیتنے کے بعد گفتگو کرتے ہوئے کہا کہ ہم پہلے بیٹنگ کرتے ہوئے بھارت کو ایک اچھا ہدف دینے کی کوشش کریں گے، اور ٹیم میں کوئی تبدیلی نہیں کی گئی ہے۔

میچ سے قبل دونوں ٹیموں کے قومی ترانے بجائے گئے۔

پاکستانی اسکواڈ:

پاکستان: صاحبزادہ فرحان، صائم ایوب، محمد حارث، فخر زمان، سلمان آغا (کپتان)، حسن نواز، محمد نواز، فہیم اشرف، شاہین شاہ آفریدی، سفیان مقیم، ابرار احمد

بھارت: ابھیشیک شرما، شبمن گل، سوریا کمار یادیو (کپتان)، تلک ورما، سنجو سیمسن، شیوم ڈوبے، ہردیک پانڈیا، اکشر پٹیل، کلدیپ یادیو، ورون چکرورتی، جسپریت بمرا