ایشیا کپ سپر فور مرحلے میں بھارت نے سری لنکا کے خلاف ہونے والا سنسنی خیز میچ ٹائی ہونے کے بعد سپر اوور میں جیت لیا۔

سری لنکا کی ٹیم سپر اوور میں دو وکٹوں کے نقصان پر صرف دو رنز بنا سکی، جواب میں بھارت نے پہلی گیند پر چوکا لگا کر کامیابی حاصل کر لی۔

اس سے قبل سری لنکا نے بھی پتھم نسانکا کی شاندار سنچری کی بدولت بھارت کے 202 رنز کے جواب میں مقررہ 20 اوورز میں 5 وکٹوں کے نقصان پر 202 رنز بنائے۔

سری لنکا کے سب سے نمایاں بیٹسمین پتم نسانکا تھے جنہوں نے 58 گیندوں پر 6 چھکوں اور 7 چوکوں کی مدد سے شاندار 107 رنز کی اننگ کھیلی۔

کشال پریرا نے 58 اور داسن شناکا نے 22 رنز بنائے۔

آخری گیند پر سری لنکا کو جیت کے لیے 3 رنز کی ضرورت تھی لنکن بیٹسمین نے دو رنز بنا کر میچ ٹائی کر دیا جس کے بعد میچ کا فیصلہ سپر اوور میں چلا گیا۔

بھارت کی جانب سے ورون چکر ورتی، کلدیپ یادیو، ہرشیت رانا، ارشدیپ سنگھ اور ہردیک پانڈیا نے ایک ایک کھلاڑی کو آؤٹ کیا۔

ایشیا کپ 2025 سپر فور کے مرحلے کے آخری میچ میں سری لنکا کے خلاف بھارت نے رنز کا پہاڑ کھڑا کر دیا۔

بھارت نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 202 رنز بنا لیے۔

بھارت کی جانب سے ابھیشک شرما سب سے نمایاں بیٹسمین رہے جنہوں نے 31 گیندوں پر 61 رنز بنائے۔

سنجو سیمسن 39 اور اکشر پٹیل نے 21 رنز بنائے، جبکہ تلک ورما نے 39 رنز کی ناقابل شکست اننگ کھیلی۔

سری لنکا کی جانب سے اسالنکا، شناکا، ہسا رانگا، چمیرا اور مہیش نے ایک ایک وکٹ حاصل کی۔