ایشیا کپ 2025 کے فائنل میں بھارت نے پاکستان کو 5 وکٹوں سے شکست دے کر 41 سال کا انتظار مزید طویل کر دیا۔

پاکستان کے 147 رنز کے ہدف کے تعاقب میں بھارتی کی ابتدائی 3 وکٹیں 20 رنز پر گر گئیں تھی، مگر گرین شرٹس کے برعکس بھارتی مڈل آرڈر نے ذمہ دارانہ بیٹنگ کی۔ اور بھارت کو نویں بار یہ ٹائٹل دلانے میں اہم کردار ادا کیا۔

بھارت کے ابھیشک شرما 5، شبھمن گل 12 اور سوریا کمار یادیو 1 رن بنا کر آؤٹ ہوئے۔

تلک ورما نے 69 رنز کی شاندار ناقابل شکست اننگ کھیلی، سینجو سیمسن 24 اور شیوام ڈوبے نے 33 رنز بنائے۔

پاکستان کی جانب سے شاہین شاہ آفریدی نے 1، فہیم اشرف نے 3 اور ابرار احمد نے 2 وکٹیں حاصل کی۔

ایشیا کپ 2025 کے فائنل میچ میں بھارت نے ٹاس جیت کر پاکستان کو پہلے بیٹنگ کی دعوت دی مگر اچھے آغاز کے باوجود بڑا اسکور کرنے میں ناکام ہو گئی۔

پاکستان کی پوری ٹیم پہلے بیٹنگ کرتے ہوئے 19.1 اوورز میں 146 رنز بنا کر آؤٹ ہو گئی۔

اوپنر صاحبزادہ فرحان 57 رنز اور  فخر زمان 46 رنز بنا کر نمایاں رہے ان کے علاوہ کوئی بھی بیٹر بھارتی بولرز کو سامنا نہیں کر پایا۔

صائم ایوب 14، محمد حارث 0، سلمان علی آغا 8 ، حسین طلعت 1، محمد نواز 6، شاہین شاہ آفریدی اور فہیم اشرف صفر پر آؤٹ ہوئے۔

بھارت کی جانب سے کلدیب یادیو نے 4 وکٹیں لیں، جبکہ اکشر پٹیل، ورون چکرورتی اور جسپریت بمرا نے 2،2 وکٹیں حاصل کیں۔

بھارتی کپتان کا کہنا تھا کہ ہم آج ہدف حاصل کرنا چاہیں گے اس لیے پہلے فیلڈنگ کر رہے ہیں، انہوں نے کہا کہ پچ دیکھنے میں اچھی لگ رہی ہے۔

سوریا کمار یادیو نے کہا کہ ہاردیک پانڈیا انجری کا باعث میچ نہیں کھیلیں گے، جبکہ فائنل کے لیے شیوم دوبے، رینکو سنگھ اور جسپریت بمرا کی ٹیم میں واپسی ہوئی ہے۔

TOSS & PLAYING XI

Pakistan have been asked to bat first in the #AsiaCup2025 final

Unchanged team for today #PAKvIND | #BackTheBoysInGreen pic.twitter.com/Iyxn4xYwXb

— Pakistan Cricket (@TheRealPCB) September 28, 2025

پاکستانی کپتان سلمان علی آغا کا کہنا تھا کہ آج کے میچ کے لیے ٹیم پرجوش ہے، تبدیلی کے حوالے سے ان کا کہنا تھا کہ فائنل کے لیے ٹیم میں کوئی تبدیلی نہیں کی گئی ہے۔