مینگورہ شہر اور گردونواح میں جمعرات کی صبح زلزلے کے شدید جھٹکے محسوس کیے گئے، جس کے باعث لوگ خوف کے عالم میں گھروں اور عمارتوں سے باہر نکل آئے۔

بونیر اور گردونواح میں بھی زلزلے کے جھٹکے محسوس کیے گئے، جس کی وجہ سے شہریوں میں خوف و ہراس پھیل گیا

زلزلہ پیما مرکز کے مطابق، زلزلے کی شدت 4.2 ریکٹر اسکیل پر ریکارڈ کی گئی، جبکہ اس کی زیرِ زمین گہرائی 185 کلومیٹر تھی۔ مرکز کا مزید کہنا ہے کہ زلزلے کا مرکز افغانستان کے تاکسان بارڈر کے قریب واقع تھا۔

تاحال کسی جانی یا مالی نقصان کی اطلاع موصول نہیں ہوئی، تاہم زلزلے کے بعد علاقے میں خوف و ہراس کی فضا قائم ہے۔ مقامی انتظامیہ صورتحال پر نظر رکھے ہوئے ہے جبکہ ریسکیو اداروں کو الرٹ کر دیا گیا ہے۔

زلزلے کے جھٹکے چند سیکنڈز پر محیط تھے مگر شدت کے باعث کئی مقامات پر شہریوں میں شدید بے چینی دیکھی گئی۔