کولمبو: پاکستان ویمنز کرکٹ ٹیم کپتان فاطمہ ثناء کی قیادت میں آئی سی سی ویمنز کرکٹ ورلڈ کپ کے لیے کولمبو پہنچ گئی ہے۔

قومی کرکٹ ٹیم کل سے دوپہر 2 بجے مقامی وقت کے مطابق ٹریننگ سیشن کا آغاز کرے گی، ٹیم پاکستان 25 ستمبر کو سری لنکا کے خلاف پہلا وارم اپ میچ کھیلے گی جبکہ دوسرا وارم اپ میچ 28 ستمبر کو جنوبی افریقہ کے خلاف ہوگا۔

مزید پڑھیں: آئی سی سی ویمنز ورلڈ کپ 2025 کا نیا شیڈول جاری

ورلڈ کپ میں پاکستان کا افتتاحی میچ 2 اکتوبر کو بنگلہ دیش کے خلاف ہوگا۔ 5 اکتوبر کو گرین شرٹس روایتی حریف بھارت سے ٹکرائیں گی، 8 اکتوبر کو آسٹریلیا اور 15 اکتوبر کو انگلینڈ کے خلاف میچ شیڈول ہے۔

پاکستان ویمنز ٹیم 18 اکتوبر کو نیوزی لینڈ، 21 اکتوبر کو جنوبی افریقہ اور اپنا آخری گروپ میچ 24 اکتوبر کو سری لنکا کے خلاف کھیلے گی۔