سابق امریکی صدر ڈونلڈ ٹرمپ نے چین کے ساتھ تجارتی معاملات ختم کرنے پر غور شروع کر دیا ہے۔

سوشل میڈیا پلیٹ فارم ٹرتھ سوشل پر ایک پوسٹ میں ٹرمپ نے الزام عائد کیا کہ چین نے دانستہ طور پر امریکی سویا بین کی خریداری بند کر دی ہے، جو امریکی معیشت، خاص طور پر کسانوں کے لیے نقصان دہ اقدام ہے۔

ٹرمپ نے کہا کہ چین کے اس رویے کی وجہ سے امریکی کسانوں کو شدید مالی نقصان کا سامنا ہے۔ ان کے بقول، چین کے ساتھ کوکنگ آئل سمیت دیگر تجارتی معاملات ختم کرنے پر بھی سنجیدگی سے غور کیا جا رہا ہے۔

انہوں نے واضح کیا کہ ہم آسانی سے اپنا کوکنگ آئل خود تیار کر سکتے ہیں، ہمیں چین پر انحصار کرنے کی ضرورت نہیں۔

ٹرمپ نے چین کے اقدامات کو معیشت دشمنی قرار دیتے ہوئے کہا کہ اگر چین ایسا رویہ اپناتا رہا تو امریکا کو اپنے قومی اقتصادی مفادات کے تحفظ کے لیے سخت فیصلے کرنے پڑیں گے۔