پاکس نے مسلم لیگ (ن) کے ساتھ جاری لفظی گولہ باری میں وقتی جنگ بندی برقرار رکھنے کا اعلان کر دیا ہے۔

 پارٹی ذرائع کے مطابق پیپلزپارٹی کی سینٹرل ایگزیکٹو کمیٹی (سی ای سی) نے ن لیگ کے ساتھ سیز فائر کی توثیق کر دی ہے اور آئندہ اجلاس تک ن لیگ یا وفاقی حکومت کے خلاف کسی بھی قسم کی بیان بازی پر پابندی عائد کر دی گئی ہے۔

ذرائع کے مطابق پی پی قیادت نے تمام پارٹی رہنماؤں کو ہدایت جاری کی ہے کہ وہ مسلم لیگ (ن) اور وفاقی حکومت کے خلاف بیانات سے گریز کریں اور سیز فائر کے فیصلے کا احترام کریں۔

اس فیصلے کی بنیاد صدر مملکت اور نائب وزیراعظم کے درمیان ہونے والی حالیہ ملاقات میں رکھی گئی، جہاں باہمی سیاسی کشیدگی کو کم کرنے پر اتفاق کیا گیا تھا۔

سی ای سی اجلاس میں پنجاب حکومت کے وزرا کی جانب سے پیپلزپارٹی کے خلاف حالیہ بیانات پر بھی شدید تحفظات کا اظہار کیا گیا۔

 کمیٹی اراکین نے ن لیگی وزرا کی پیپلزپارٹی پر تنقید کو سیاسی پوائنٹ سکورنگ قرار دیتے ہوئے مذمت کی اور افسوس کا اظہار کیا۔