وفاقی وزیراطلاعات عطا تارڑ نے پاکستان اور افغان طالبان کے درمیان جاری مذاکرات کی ناکامی کا اعلان کرتے ہوئے دوست ممالک کا شکریہ ادا کیا ہے۔

انہوں نے ایکس (سابق ٹوئٹر) پر اپنے پیغام میں کہا کہ افغان طالبان کے ساتھ مذاکرات ناکام ہوگئے ہیں، حکومت پاکستان دہشت گردی کے مکمل خاتمے کے لیے تمام وسائل بروئے کار لائے گی۔

وفاقی وزیراطلاعات عطا تارڑ نے کہا ہے کہ حکومت دہشت گردی کے خلاف ہر ممکن اقدام کرتی رہے گی، دہشت گردوں، ان کے ٹھکانوں اور سہولت کاروں کو نیست و نابود کیا جائے گا۔

Update on Pakistan – Afghanistan Dialogue, Istanbul – October 2025

Advertisement

Ever since the assumption of control in Kabul, Pakistan has repeatedly engaged with the Afghan Taliban Regime regarding persistent cross border terrorism by Indian-abetted Fitna al Khwarij (TTP) and Indian proxy,…

— Attaullah Tarar (@TararAttaullah) October 28, 2025

عطا تارڑ نے بتایا کہ پاکستان اور افغان طالبان کے درمیان استنبول میں ہونے والے مذاکرات کسی نتیجے پر نہیں پہنچ سکے۔

ان کا کہنا تھا کہ پاکستان نے افغان طالبان حکومت سے سرحد پار دہشت گردی، کالعدم ٹی ٹی پی اور بی ایل ایف کی کارروائیوں پر بارہا احتجاج کیا۔ تاہم افغان طالبان نے الزام تراشی، ٹال مٹول اور حیلے بہانوں کا سہارا لیا۔

وزیراطلاعات نے کہا کہ طالبان حکومت افغان عوام کی نمائندہ نہیں اور اپنی بقا کے لیے جنگی معیشت پر انحصار کرتی ہے۔ پاکستان مخالف دہشت گردی کی مسلسل حمایت سے پاکستان کی کوششیں بےسود رہیں۔

عطا تارڑ نے قطر، ترکیہ اور دیگر دوست ممالک کی مخلصانہ سفارتی کوششوں پر شکریہ بھی ادا

کیا۔