کراچی : چڑیا گھر میں موجود مادہ ریچھ رانو کو محفوظ پناہ گاہ منتقل کرنے کا معاملہ حتمی مرحلے میں داخل ہوگیا ہے۔

کے ایم سی حکام نے رانو کو اسلام آباد منتقل کرنے کے معاملے پر عملی ذمہ داری سے ہاتھ اٹھا لیے ہیں، تاہم اسلام آباد وائلڈ لائف ریسکیو سینٹر کی تین رکنی ٹیم کراچی پہنچ گئی ہے۔

اسلام آباد وائلڈ لائف ٹیم نے رانو کی بحالی کے لیے خصوصی ٹریننگ اور ایڈجسٹمنٹ پروگرام شروع کر دیا ہے۔

ذرائع کے مطابق آئندہ چار روز کے اندر رانو کو اسلام آباد وائلڈ لائف ریسکیو سینٹر منتقل کر دیا جائے گا، جہاں تمام تر انتظامات مکمل کر لیے گئے ہیں۔

رانو، نایاب نسل کی برفانی بھورے رنگ کی مادہ ریچھ ہے جو گزشتہ 20 سال سے کراچی چڑیا گھر میں قید ہے۔

سندھ ہائیکورٹ نے رانو کی نامناسب دیکھ بھال اور ناقص سہولیات کے باعث اسے اسلام آباد منتقل کرنے کے احکامات جاری کیے تھے

۔