آئی سی سی ویمنز کرکٹ ورلڈ کپ میں ڈی ایل ایس قانون کے تحت جنوبی افریقہ کا پاکستان کو جیت کے لیے 306 رنز کا ہدف دے دیا۔

جنوبی افریقہ ویمنز نے 40 اوورز میں 9 وکٹوں کے نقصان پر 312 رنز بنائے۔ بارش کے باعث میچ 40-40 اوورز تک محدود کیا گیاتھا۔

قبل ازیں  پاکستان اور جنوبی افریقہ کے درمیان جاری میچ شدید بارش کے باعث روک دیا گیا تھا۔

پاکستانی کپتان نے ٹاس جیت کر پہلے فیلڈنگ کا فیصلہ کیا تھا تاکہ حریف ٹیم کو کم اسکور تک محدود رکھا جا سکے.

تاہم کولمبو میں موسلا دھار بارش کے باعث کھیل عارضی طور پر معطل کردیا گیا۔

واضح رہے کہ اس میچ میں پاکستان کی ٹیم کے لیے سیمی فائنل میں پہنچنے کی امیدیں کافی کم ہیں، کیونکہ ان کے پاس صرف 2 پوائنٹس ہیں۔ دوسری جانب جنوبی افریقہ کی ٹیم 8 پوائنٹس کے ساتھ سیمی فائنل میں اپنی جگہ پکی کر چکی ہے۔

پاکستان ٹیم کا ایونٹ میں اب تک کا سفر کافی چیلنجنگ رہا۔ پانچ میچز کھیلنے کے بعد ٹیم کے پاس صرف 2 پوائنٹس ہیں،جن میں سے ایک پوائنٹ بارش کی وجہ سے ملے گا،
کیونکہ ایک میچ بارش کے باعث منسوخ ہو گیا تھا۔ پاکستان نے ابھی تک کوئی بھی میچ نہیں جیتا، جو کہ ان کی مہم کے لیے ایک بڑا چیلنج بن گیا ہے۔

پاکستانی ٹیم نے اس میچ سے ایک دن قبل پریماداسا اسٹیڈیم میں بارش کی وجہ سے ٹریننگ نہیں کی۔ تاہم، کھلاڑیوں نے انڈور پریکٹس کی، جس میں نیٹس پر بیٹنگ اور بولنگ کی مشقیں کی گئیں۔

اس کے علاوہ، کھلاڑیوں نے جم میں پریکٹس کی اور کوچز نے پاور ہٹنگ اور سکلز ڈیولپمنٹ کے حوالے سے اہم ٹپس دیں۔