راولپنڈی: پاکستان اور جنوبی افریقہ کے درمیان تین میچوں پر مشتمل ٹی ٹوئنٹی سیریز کا پہلا میچ آج رات آٹھ بجے راولپنڈی کرکٹ اسٹیڈیم میں کھیلا جائے گا۔

ذرائع کے مطابق پاکستان کی ممکنہ پلیئنگ الیون کے نام سامنے آگئے ہیں۔

ممکنہ ٹیم میں صائم ایوب، صاحبزادہ فرحان، بابر اعظم اور حسن نواز شامل ہیں، جبکہ ٹیم کی قیادت سلمان علی آغا کریں گے۔ وکٹ کیپر بیٹر عثمان خان، آل راؤنڈر محمد نواز، اور فہیم اشرف بھی اسکواڈ کا حصہ ہوں گے۔

بولنگ لائن میں شاہین شاہ آفریدی، نسیم شاہ اور اسپنر ابرار احمد کے نام شامل ہیں۔ ذرائع کے مطابق عثمان طارق کو بھی ممکنہ پلیئنگ الیون میں شامل کیا جا سکتا ہے، تاہم ابرار احمد اور عثمان طارق کی شمولیت سے متعلق حتمی فیصلہ میچ سے قبل کیا جائے گا۔