جہانگیر ترین کے بیٹے اور ملتان سلطانز کے مالک علی ترین نے پی سی بی کا لیگل نوٹس پھاڑ دیا ہے، جس میں ان سے معافی مانگنے کا مطالبہ کیا گیا تھا۔

علی ترین نے سوشل میڈیا پلیٹ فارم ایکس ( سابقہ ٹوئٹر) پر ویڈیو پیغام جاری کیا جس میں انہوں نے طنزیہ انداز میں معافی مانگتے ہوئے اپنا موقف پیش کیا اور ویڈیو کے آخر میں انھوں نے پی سی بی کا لیگل نوٹس پھاڑ دیا۔

The PSL Management has sent me a notice threatening to cancel Multan Sultans unless I offer them a public apology. Hazir Saeen. pic.twitter.com/yHWCcClXaD

— Ali Khan Tareen (@aliktareen) October 23, 2025

علی ترین نے بتایا کہ پی ایس ایل منیجمنٹ نے انہیں ایک لیگل نوٹس بھیجا اور اس لیگل نوٹس میں تنقیدی بیانات واپس لینے اور معافی مانگنے کا مطالبہ کیا گیا، فرنچائز معاہدہ ختم کرنے اور  بلیک لسٹ کرنے کی دھمکی بھی دی گئی۔

علی ترین نے کہا کہ وہ لیگل نوٹس میں دی گئی دھمکیوں پر خاموش نہیں رہیں گے۔ اگر آپ کو لگتا ہے کہ میں دھمکیوں سے چپ ہوجاؤں گا تو یہ آپکی غلط فہمی ہے۔

علی ترین کا ویڈیو  پیغام میں کہنا تھا کہ پی ایس ایل سے محبت ہے اور یہ لیگ پورے پاکستان کی ہے، مسائل کے حل کے لیے بیٹھنےکو تیار ہوں لیکن آج تک رابطہ نہیں کیا گیا۔ میرے مسائل جاننے کے لیے کسی نے ایک  کال یا ای میل نہیں کی گئی۔