دنیا میں ایسے افراد کی کمی نہیں ہے جو کچھ منفرد کام کرکے مقبول ہونا چاہتے ہیں انہی میں آسٹریلیا سے تعلق رکھنے والا شخص بھی شامل ہیں جنہوں نے د نیا کا طویل نام رکھنے پر عالمی اعزازاپنے نام کر لیا۔

لارنس واٹکنز نامی آسٹریلوی شخص کی ہمیشہ سے یہی خواہش تھی وہ بھی کوئی عالمی اعزاز اپنے نام کر سکے اسی خواہش کے پیش نظر انہوں نے مارچ 1990 میں قانونی طور پر اپنے نام کو تبدیل کروا کر اس میں 2,251 درمیانی نام شامل کروائے، اس طرح  وہ گنیز ورلڈ ریکارڈ کے تحت دنیا کے سب سے طویل ذاتی نام کے حامل بن گئے، واضح رہے کہ ان کے نام میں 2,253 منفرد الفاظ شامل  ہیں۔

واٹکنز نے کہا کہ ان کی شادی کے دوران ان کے نام کو پڑھنے میں تقریباً 20 منٹ لگے تھے، لیکن جب انہوں نے یہ کارنامہ خود گنیز ورلڈ ریکارڈز کی ویڈیو کے لیے انجام دیا اسے پڑھنے میں ایک گھنٹے سے زیادہ کا وقت لگا۔

یہ بھی پڑھیں:  بنگلہ دیشی خاتون نے ایک منفرد کام کر کے عالمی اعزاز اپنے نام کر لیا

ان کا نام یوں شروع ہوتا ہے: لورنس ایلون ایلوئس ایلوئشیئس الفیج ایلن ایلورڈ ایلوِن ایلسنڈر ایمبی ایمبروس ایمبروسیئس امیاس ایمیوٹ ایمیاس اینڈرز اینڈرے اینڈریا اینڈریاس اینڈریو اینڈی اینیرن اینگش اینلئیفر، تاہم یہ تمام A  سے شروع ہونے والے نام نہیں ہیں۔

گنیز ورلڈ ریکارڈز سے بات کرتے واٹکنز نے کہا کہ دلچسپ اور غیر معمولی ریکارڈز ہمیشہ ہی انہیں متوجہ کرتے تھے اور وہ بھی اسی طرح کا کوئی ریکارڈ قائم کرنا چاہتے تھے اس مقصد کے لیے انہوں نے گنیز ورلڈ ریکارڈز کی کتاب کو آخر تک پڑھا تاکہ یہ جان سکے کہ کیا کوئی ایسا ریکارڈ ہے جسے وہ توڑ سکتے ہیں تو انہیں صرف ایک ریکارڈ ملا جو کہ طویل نام کا تھا۔

واٹکنز کے لیے طویل نام رکھنے کا یہ عمل بہت زیادہ کاغذی کارروائی اور متعدد عدالتی دوروں کا متقاضی تھا۔ اس کے نام کی تبدیلی کے بعد نئے قوانین بنائے گئے جس نے دوسرے لوگوں کو اس ریکارڈ توڑنے سے روک دیا، تاہم ان کے نزدیک پسندیدہ نام  AZ2000 ہے، یعنی ان کے پاس A سے Z تک 2000 نام ہیں۔