فیصل آباد: نیشنل ویمنز ون ڈے ٹورنامنٹ کی ٹرافی کی شاندار رونمائی فیصل آباد کے مقامی ہوٹل میں کی گئی۔

ٹرافی کی تقریب میں تمام پانچ ٹیموں کی کپتانوں نے شرکت کی۔ فاطمہ ثنا کونکررز، نشرہ سندھو اسٹرائیکرز، رامین شمیم چیلنجرز، منیبہ علی انونسیبلز، جبکہ عمیمہ سہیل اسٹارز کی قیادت کریں گی جو ٹائٹل کا دفاع کرے گی۔

ٹورنامنٹ میں ہر ٹیم آٹھ میچز کھیلے گی۔ مقابلوں کا آغاز 14 نومبر سے ہوگا جبکہ فائنل 6 دسمبر کو اقبال اسٹیڈیم فیصل آباد میں منعقد ہوگا۔

میچز اقبال اسٹیڈیم اور پی سی بی ہائی پرفارمنس سینٹر گراؤنڈ فیصل آباد میں کھیلے جائیں گے۔