سری لنکا کرکٹ نے پاکستان کے دورے کے لیے اپنے اسکواڈز کا اعلان کیا ہے، جس میں دوطرفہ ون ڈے سیریز اور پاکستان اور زمبابوے کے ساتھ ہونے والی سہ فریقی ٹی ٹوئنٹی سیریز شامل ہے۔

سری لنکا کی دونوں ٹیموں کی قیادت چارتھ اسالنکا کریں گے۔ پاکستان اور سری لنکا کے درمیان آخری میچ ایشیا کپ 2025 کے سپر فور میں کھیلا گیا تھا، جہاں پاکستان نے سری لنکا کو شکست دے کر فائنل میں رسائی حاصل کی تھی۔

دلشان مدوشنکا انجری کی وجہ سے ون ڈے اسکواڈ سے باہر ہو گئے ہیں، ان کی جگہ ایشان ملنگا کو شامل کیا گیا ہے۔ متھیشا پتھیرانا بھی سانس کی نالی کے انفیکشن کے سبب دورہ پاکستان سے باہر رہیں گے، اور ان کی جگہ اسیتھا فرنینڈو کو منتخب کیا گیا ہے۔

ون ڈے اسکواڈ:

ون ڈے اسکواڈ میں چارتھ اسالنکا (کپتان)، پاتھم نسانکا، لاہیرو اودارا، کامل مشرا، کوشل مینڈس، سدیرا سماراویکرما، کامندو مینڈس، جینتھ لیاناگے، پون رتھنائیکے، وینندو ہسارنگا، مہیش تھیکشانا، جیفری وینڈرسے، دشمنٹھا چمیرا، اسیتھا فرنانڈو، پرامود مدھوشن، ایشان ملنگا شامل ہیں۔

ٹی ٹوئنٹی اسکواڈ:

ٹی ٹوئنٹی اسکواڈ میں چارتھ اسالنکا (کپتان)، داسن شاناکا (نائب کپتان)، پاتھم نسانکا، کوشل مینڈس، کوشل پریرا، کامل مشرا، کامندو مینڈس، بھانوکا راجا پاکسا، جینتھ لیاناگے، ونیندو ہسارنگا، مہیش تھیکشانا، دشن ہیمانتھا، دشمنٹھا چمیرا، نوان تھشارا، اسیتھا فرنانڈو، ایشان ملنگا کو شامل کیا گیا ہے۔

اس دورے کے دوران سری لنکا کرکٹ ٹیم پاکستان کے ساتھ نہ صرف ون ڈے سیریز کھیلے گی بلکہ ٹی ٹوئنٹی سیریز میں بھی حصہ لے گی، جو کہ دونوں ٹیموں کے لیے اہم موقع ہوگا۔