وزارتِ خارجہ نے استنبول مذاکرات کے حوالے سے افغانستان سے متعلق جامع، شواہد پر مبنی اور غیر جانب دار مؤقف پیش کرتے ہوئے پاکستان کے مؤقف کو عالمی برادری کے سامنے واضح کر دیا ہے۔

سفارتی ذرائع کے مطابق پاکستان نے پاک۔افغان تعلقات کا مکمل پس منظر ٹھوس شواہد کے ساتھ دنیا کے سامنے رکھا ہے، جس میں تمام الزامات اور غلط فہمیوں کا حقیقت پر مبنی جواب دیا گیا ہے۔

 وزارتِ خارجہ نے واضح کیا کہ پاکستان کا مؤقف کسی تعصب پر نہیں بلکہ میرٹ اور حقائق پر مبنی ہے۔

ذرائع کا کہنا ہے کہ غیر جانب دار ممالک نے بھی پاکستان کے مؤقف کی تائید کی ہے، جبکہ عالمی سطح پر پاکستان کے سنجیدہ اور ذمہ دارانہ رویے کو سراہا جا رہا ہے۔

سفارتی ذرائع کے مطابق، پاکستان نے ہمیشہ علاقائی امن، استحکام اور خوش حالی کے لیے تعمیری کردار ادا کیا ہے۔

وزارتِ خارجہ کا کہنا ہے کہ پاکستان افغانستان کی موجودہ صورتحال کو سفارتی مہارت، تدبر اور اخلاقی برتری کے ساتھ سنبھال رہا ہے۔

بیان میں کہا گیا کہ پاکستان نے ریکارڈ درست کرتے ہوئے غلط فہمیوں کا ازالہ کر دیا ہے اور افغانستان کی جانب سے پیدا ہونے والے تعطل کی وجوہات کو منطق اور شواہد کے ساتھ عالمی سطح پر پیش کر دیا گیا ہے۔

سفارتی ذرائع کے مطابق، پاکستان کا مؤقف عالمی سطح پر پذیرائی حاصل کر رہا ہے، اور غیر جانب دار ممالک نے اسے امن اور استحکام کے لیے ایک مثبت پیش رفت قرار دیا ہے۔

وزارتِ خارجہ نے ایک بار پھر واضح کیا ہے کہ پاکستان خطے میں امن، شراکت داری اور باہمی احترام پر مبنی تعلقات کے فروغ کے لیے پرعزم ہے۔