.فرانس میں ٹوئنز ڈے فیسٹیول کا انعقاد کیا گیا جس میں دنیا بھر سے آئے ہزاروں جڑواں افرادنے شرکت کی

اس انوکھے میلے میں ٹوئنز کے ساتھ ساتھ ٹرپلٹس،کواڈرپلٹس اور بیک وقت پیدا ہونے والے کئی بچوں اور بڑوں کی جوڑیاں بھی موجود تھیں۔

تفصیلات کے مطابق اس میلے میں دنیا بھر سے تقریباً  1500 جڑواں افراد کی جوڑیوں نے شرکت کی جو ناصرف ایک جیسی حرکت کرتے نظر آئے بلکہ انہوں نے اپنی جوڑی کو نمایاں رکھنے کے لیے ایک جیسے ملبوسات بھی زیبِ تن کر رکھے تھے۔

اس میلے میں موسیقی اور رقص کے ساتھ ساتھ  کھیل کود کا  اہتمام بھی کیاگیا تھا ۔

اپنی طرز کا یہ منفرد ایونٹ میں فرانس میں 1994 سے رنگ جما رہا ہے ۔ رواں سال ٹوئنزفیسٹیول سے جڑواں  بہن  بھائیوں کے ساتھ ساتھ عوام کی بڑی  تعداد بھی لطف اندوز ہوئی  ۔