پشاور کے چڑیا گھر سے ریچھ کا ایک بچہ فرار ہو گیا ہے۔

شرارتی ریچھ کے بچے کی عمر چار ماہ تھی جسے چند روز قبل ہی پشاور کے چڑیا گھر منتقل کیا گیا تھا۔

بھالو کے بچے کو سترہ ستمبر کو لایا گیا لیکن اگلی ہی صبح لاپتہ ہوگیا اس حوالے سےچڑیا گھرکے انتظامیہ کا کہنا ہے کہ بھالو کا بچہ چار سے پانچ روز تک بغیر خوراک کے زندہ رہ سکتا ہےاور خدشہ یہ ہے کہ بھالو کا بچہ  چڑیا گھر میں ہی کہی چھپا ہو۔

ڈپٹی ڈائریکٹر چڑیا گھر پشاور نعمت اللہ کے مطابق گذشتہ روز ریچھ کا چار ماہ کا بچہ گم ہوا، واقعہ شفٹ کی تبدیلی کے دوران پیش آیا۔ ذمہ داران کا تعین کیا جا رہا ہے جب کہ ریچھ کے بچے سے مقامی آبادی کو کوئی خطرہ نہیں ہے کیوں کہ چار ماہ کا ریچھ نقصان نہیں پہنچا سکتا۔

پشاورکے چڑیا گھرسےلاپتہ بھالو کے بچہ کولاپتہ ہوئے دو روز ہو گئے ہیں چڑیا گھر انتظامیہ نے دعویٰ کیا کہ ریچھ چڑیا گھر میں ہی لاپتا ہے باہر نہیں گیا کیوں کہ چڑیا گھر میں مختلف پوائنٹس بنائے گئے ہیں،اس لیے جلد مل جائے گا۔

واضح رہے کہ اس سے قبل پشاور کے چڑیا گھر میں انتظامیہ کی غفلت سے برفانی چیتا بھی زندگی کی بازی ہار گیا تھا۔