برطانیہ کے شہرلیڈز میں 15ویں رنگا رنگ لائٹ فیسٹیول کاآغاز ہوگیا ، شہر روشنیوں سے جگمگا اْٹھا۔

روشنیوں سے بھرپور اس میلے کے دوران رات ہوتے ہی شہر کی بلند و بالا شاہکارعمارتیں رنگا رنگ لائٹوں سے جگمگا اُٹھتی ہیں۔

اس لائٹ فیسٹیول کیلئے شہر کی متعدد عمارتوں ،اسکوائرز،پلوں  کو لائٹ پراجیکشن کے ذریعے دلچسپ انداز میں نمایاں کیا گیا ہے۔

تفصیلات کے مطابق لائٹ فیسٹیول میں 60سے زائد لائٹ آرٹ کے نمونے بھی پیش کئے  جائیں گے۔

  فیسٹیول میں بڑی تعداد میں مختلف ممالک سے تعلق رکھنے والے شرکت کرکے دلکش نظاروں سے لطف اندوز ہورہے ہیں۔

لائٹ فیسٹیول  2 روز تک جاری رہے گا۔