پیٹ پھولنا کوئی بیماری نہیں ہے اور نا اس کے لئے کوئی عمر مقرر ہوتی ہے، اکثر لوگوں کو پیٹ پھولنے کی شکایت ہوجاتی ہے چاہے وہ بڑا ہو یا پھر چھوٹا ہو۔

ایسا تب ہوتا ہے جب انسان بیٹھے رہنے کا عادی ہوجاتا ہے اورکچھ بھی کھانے پینے کے بعد بھی اپنی جگہ سے ہلنا پسند نہیں کرتا ہے۔

آج ہم اس آرٹیکل میں آپ کو پیٹ کی پھولنے کی وجوہات بھی بتائیں گے اور اس سے نجات حاصل کرنے کے مختلف طریقے کار سے بھی آگاہ کریں گے۔

پیٹ میں گیس ہوجانا:

پیٹ پھولنے کی بڑی وجہ وہ ہوا ہے جو ہم کھانے کے ساتھ نگلتے ہیں۔

پیٹ میں جا کر یہ ہوا گیس بن جاتی ہے یا پھر ڈکار کی صورت باہر نکل جاتی ہے۔ گیس نہ نکلنے کی صورت میں پیٹ سخت اور سوجا ہوا محسوس ہوتا ہے۔

پیٹ میں گیس بنانے والی اشیاء کا استعمال:

کچھ ایسی غذائیں بھی ہیں جو گیس زیادہ بناتی ہیں جن میں دالیں خاص طور پر ارہر کی دال، فائبر اور سلفر والی غذائیں جیسے کہ لہسن، پیاز وغیرہ اور دودھ سے بنی اشیاء شامل ہیں۔

گھریلو ٹوٹکے:

1۔ کھانے کے کچھ دیر بعد پودینے کہ چائے پینے سے پیٹ کا بھاری پن کم ہوجاتا ہے اور غذائی نالی کے ساتھ نطام ہاضمہ کو بھی سکون ملتا ہے۔

2۔  ادرک قدرتی طور پر ورم کش ہونے کے علاوہ پروٹین کو جذب ہونے میں مدد دیتا ہے جس سے پیٹ سے گیس خارج ہوکر اپنی اصلی حالت میں آجاتا ہے۔

3۔کھانے کے بعد ایک چٹکی سونف چپانا اکثر گھروں کی روایت ہے لیکن اس کا ایک بہت بڑا فائدہ یہ ہے کہ یہ معدے میں خوراک کو ہضم کرنے میں مدد کرتی ہے۔ سونف کی چائے بنا کر پینے یجا ثابت سونف کھانے سے بھی پیٹ ہلکا ہوجاتا ہے۔