اگر آپ نوکری پیشہ  شخص ہیں جس کو مہینے کے آغاز میں ایک لگی بندی  ملتی ہے  ان افراد کے لئے ضروری ہے کہ وہ اپنی آمدنی سے کچھ پیسے بچائیں تاکہ مہینے کے آخری ایام میں  آپ خالی ہاتھ نا ہوں۔

اس طریقے کو بچت کہا جاتا ہے، اکثر ہمارے گھر کی عورتیں بچت کرنے میں مہارت رکھتی ہیں وہ ایک ساتھ سب پیسے خرچ  کرنے  کے بجائے میانہ روی سے کام لیتی ہیں۔

بچت کرنے کا طریقہ:

بچت کے حوالے سے ایک سنہری اصول یہ ہے کہ اگر آپ بچت کرنا چاہتے ہیں تو بچت کرنے کا سوچیئے۔

اس ضمن میں مزید کارگر یہ ہوسکتا ہے کہ آپ لمبے عرصے میں پیسے جمع کرنے کے بارے میں سوچیں جیسا کہ اگر آپ گاڑی خریدنا چاہتے ہیں تو اس کے لئے آپ کو ہر ماہ بیس فیصد بچت کرنی ہے تو آپ کتنے برسوں میں خرید پائیں گے۔

ماہانہ بجٹ مرتب کرنے کا مقصد اخراجات اور آمدن میں توازن پیدا کرنا ہے کیونکہ بیشتر افراد اس بات سے لاعلم رہ جاتے ہیں کہ تنخواہ کہاں خرچ ہوئی۔

تحریری بجٹ ہونے کی صورت میں یہ بات سامنے ہوگی کہ رقم کہاں اور کس طرح خرچ ہوئی جس سے یہ فائدہ ہوگا کہ آئندہ اضافی اور فالتو اخراجات پرقابو پایا جاسکے گاـ