کئی لوگوں کو نس چڑھ جانا ٹانگوں اور پنڈلیوں میں کھنچاؤ اور درد محسوس ہونا ایسی تکلیف کا سامنا کرنا پڑتا ہے رات کو سوتے وقت اچانک پنڈلیوں یا ٹانگوں میں اینٹھن ہوتی ہے اور کچھ وقت کیلئے شدید درد ہوتا ہے۔

وجوہات:

یہ تو مکمل طور پر واضح نہیں کہ اس کی وجوہات کیا ہیں مگر متعدد عناصر کی جانب اشارہ کیا جاتا ہے۔

اس درد کے ہونے کی ایک وجہ ایک ہی جگہ پر بیٹھے رہنے سے یا لمبے وقت تک ایک ہی پوزیشن پر کھڑے رہنا اور لمبے سفر میں پیدل چلنا شامل ہے۔

اس کے علاوہ جو لوگ دن بھر بیٹھے کام کرتے رہتے ہیں اور کسی بھی طرح کی ایکسرسائز یا جسمانی محنت بلکل نہیں کرتے اور کسی قسم کی جسمانی کاموں میں شامل نہیں ہوتے ہیں ایسے لوگوں کے اعصاب کمزور ہوجاتے ہیں۔

 بلڈ سرکولیشن بہتر نہ ہونے کیوجہ سے ٹانگوں اور پنڈلیوں کی طرف دوران خون بہتر نہ ہونے کے باعث ٹانگیں سن ہونے لگتی ہیں اور ان میں کھنچاؤ درد اور اینٹھن ہونے لگتی ہے۔

علاوہ ازیں اچھی صحت بخش غذاؤں کے بجائے غیر صحت مند غذاؤں کا استعمال کرنا، پھل سبزیاں اور گوشت مچھلی کے بجائے فاسٹ فوڈ، جنک فوڈ کولڈڈرنکس معدہ سے بنی چیزیں کا استعمال بھی اس درد کی اہم وجوہات میں شامل ہے۔

ریلیف کے لئے چند ٹپس:

سونے سے پہلے پنڈلی اور پیروں کو اسٹریچ کرنا اس مسئلے سے بچانے میں مدد دیتا ہے۔

اگر آپ کو کبھی نیند میں اس تکلیف کا شکار ہوں تو پیروں کی انگلیاں جسم کی جانب موڑنا بھی کچھ ریلیف فراہم کرسکتا ہے۔

اگر مسلز میں سوجن کا سامنا ہو تو گرم کپڑا، مالش یا برف سے بھی مدد لی جاسکتی ہے اس کے علاوہ پیر کے تلوے پر سرسوں یا زیتون کے تیل کا مساج بھی اس درد کو بھگانے میں نہایت مفید ہے۔