موبائل فون پر ہر وقت پیغامات وصول کرنے اور بھیجنے سے ہم غیر ارادی طور پر اپنی گردن کو سارا دن جھکائے رکھتے ہیں ۔

اس عمل سے انسان کو گردن کا درد لاحق ہوسکتا ہے تو کہیں آپ بھی تو اپنا زیادہ تر وقت موبائل فون پر ٹیکسٹنگ کرنے میں تو نہیں گزارتے ہیں ؟

اگر آپ بھی ایسا کر رہے ہیں تو بہت جلد ہی  گردن کی شدید تکلیف میں مبتلا ہوسکتے ہیں۔

اس حوالے سے ماہرین کا کہنا ہے کہ زیادہ وقت تک گردن جھکائے رکھنے سے مہرے کمزور ہوجاتے ہیں جس وجہ سے گردن کے درد میں ہر روز اضافہ ہوتا رہتا ہے۔

اسکے علاوہ گردن کے درد کی دیگر وجوہات میں غلط انداز سے سونا، بھاری سامان یا بیگ اٹھانا، سگریٹ نوشی، ذہنی تناؤ شامل ہیں۔

اگر آپ اس قسم کے درد کا شکار ہیں تو سکے علاج کے لئے دوائیاں کام نہیں کرینگی بلکہ اس کا علاج  سکون سے جڑا ہوا ہے۔

اس حوالے سے ماہرین کا کہنا ہے کہ متاثرہ شخص کسی پرفضا مقام پر جاکر دو تین روز گزارے جس کے بعد اُسے افاقہ حاصل ہوسکتا ہے۔