سائنسی ترقی کی بدولت جہاں زندگی سہل ہوگئی ہے وہی دنیا نے اس ترقی کی بھاری قیمت ادا کی ہے جس کے نتیجے میں اس کا نظام بری طرح متاثر ہوگیا ہے، اسی میں فضا بھی شامل ہے، درختوں کی کمی اور مضر صحت گیسوں کے اخراج  سے فضائی آلودگی میں حد درجہ اضافہ ہوگیا ہے۔

فضائی آلودگی کو تمباکو نوشی، شراب نوشی اور آلودہ پانی کے استعمال جیسا ہی خطرناک قرار دیا گیا ہے۔ آلودگی کی تمام اقسام میں سب سے خطرناک فضائی آلودگی ہے، جو ہر جان دار کوکسی نہ کسی طرح سے متاثرکر رہی ہے۔ ایک محتاط اندازے کے مطابق دُنیا بَھر میں روزانہ لاکھوں افراد فضائی آلودگی سے متاثر ہوکر مختلف عوراض کا شکار ہورہے ہیں۔ ان عوراض میں سانس کی نالیوں کی سوزش، دَمہ، سینے کا انفیکشن، دِل کے امراض، بلڈ پریشر اور فالج کا حملہ وغیرہ شامل ہیں۔ یہی وجہ ہے کہ ہنگامی بنیادوں پر اس پر آلودگی پر قابو  پانے کی ضرورت ہے یہاں پر فضائی آلودگی کے صحت پر پڑنے والے اثرات کا ذکر کیا جارہا ہے ۔

پھیپھڑوں کے امراض

ورلڈ ہیلتھ آر گنائزیشن نے اس بات کا عندیہ دیا ہے دنیا بھر میں فضائی آلودگی سے پھیپھڑوں کے امراض میں تیزی سے اضافہ ہورہا ہے جس میں پھیپھڑوں کا سرطان بھی شامل ہیں ہر دس سے ایک سرطان آلودگی کی وجہ سے ہے۔

سانس کے امراض

فضائی آلودگی نظام تنفس کو بری طرح متاثر کرتی ہے۔ جس کے نتیجے میں کھانسی، چھینکیں آنا اور سانس لینے میں تکلیف جیسے مسائل جنم لیں رہیں ہیں، جب کہ یہ دمہ جیسی سنگین حالت کا سبب بھی بن سکتی ہے۔

قلب کے مسائل

فضائی آلودگی کا طویل عرصے تک سامنا کرنا امراض قلب کے خطرے کو بڑھا دیتا ہے۔

پھیپھڑوں کے افعال

فضائی آلودگی میں طویل عرصے تک رہنے سے پھیپھڑوں کے افعال متاثر ہونے لگتے ہیں خاص طور چھوٹے بچوں اور بزرگ افراد میں اس کا تناسب بہت زیادہ ہے۔

نوزائیدہ بچوں کے وزن میں کمی

حاملہ خواتین کا زیادہ عرصے تک فضائی آلودگی کا سامنا کرنے سے بچے وزن میں کم اور وقت سے پہلے جنم لے سکتے ہیں۔

اوسط عمر میں کمی

تحقیق سے یہ بات سامنے آئی ہے فضائی آلودگی کا بہت زیادہ سامنا کرنا کئی طرح کے امرض کا سبب بنتا ہے جس سے لوگوں کی اوسط عمر میں کمی واقع ہورہی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/lifestyle/2023/10/434006/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/lifestyle/2023/10/434006/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں