لیموں ایک انتہائی صحت بخش پھل ہے جس میں ایسے اجزاء پائے جاتے ہیں جو آپ کی مجموعی صحت کو بہتر بنانے میں اہم کردارادا کرتے ہیں، جس طرح لیموں پانی آپ کو تازگی فراہم کرنے کے ساتھ صحت بھی بڑھاتا ہے اسی طرح اس سے تیار کی جانے والی چائے بھی بے حد صحت بخش ہوتی ہے۔

 یہ بات تو سب ہی جناتے ہیں کہ لیموں کا کھٹا اورترش ذائقہ ہرکھانے اور مشروب کی شان کو بڑھا دیتا ہے۔ سپر فوڈ میں شامل لیموں نہ صرف کھانے کے ذائقہ کو بڑھاتا ہے بلکہ یہ آپ کی جلد اور بالوں کے کئی مسائل کا بہترین حل بھی پیش کرتا ہے یہاں لیموں سے بنی چائے کی افادیت پیش کی جارہی ہے جسے جان کر آپ بھی اسے استعمال کرنے پر مجبور ہوجائیں گے۔

لیموں وٹامنز، معدنیات اور اینٹی آکسیڈنٹس سے بھرپورہونے کے ساتھ قوت مدافعت کو بہتر بنانے، دل اور دماغ کی صحت بڑھانے، خون کی کمی کودور کرنےاور کینسر کے خطرے کو کم کرنے کے لیے مفید تصور کیاجاتا ہے ساتھ ہی یہ  فاسفورس، پوٹاشیم، وٹامن سی، فولیٹ، لیوٹین اور آئرن کے حصول کا بھی بہترین ذریعہ ہے ہیں۔ اس میں سائٹرک ایسڈ، فلیوونائڈز، میگنیشیم، ٹیننز اور کاپر بھی موجود ہوتاہے۔ اس لیے اس سے تیار کیا جانے والی چائے بھی بہت زیادہ افادیت رکھتی ہے۔

  جلد کی صحت

لیموں وٹامن سی سے بھرپور ہوتا ہے جسے جلد دوست وٹامن کہاجاتا ہے۔ یہ جلد کی چمک بڑھانے اور عمر رسیدگی کے اثرات کو روکنے والے ایجنٹ کے طور پر کام کرتا ہے – اور کہا جاتا ہے کہ یہ کولیجن کی پیداوار کو متحرک کرتا ہے، اور جھریوں کی تشکیل کو کم کرتا ہے۔ یہ چائے سوزش مخالف خصوصیات سے بھی بھری ہوئی ہے جو مہاسوں، پمپلز اور ایکزیما جیسے مسائل کے دور کر کے جلد کو سکون میں رکھتی ہے۔ یہ چہرے سے مردہ خلیوں کو دور کرتی ہیں اورجلد کو جوان بناتی ہے۔

 صحت مند بال

اس چائے کو مستقل بنیادوں پر پینے سے آپ کی سر کی جلد میں ضروری وٹامنز اور منرلز کی فراہمی یقینی بنتی ہے اور یہ آپ کے بالوں کو چمکدار بنانے کے ساتھ مضبوط بناتی ہیں۔ لیموں کی چائے سر میں خشکی اور خارش کو دور کرتی ہے۔ اس سے بالوں کا گرنا کم ہوتا ہے۔

مجموعی صحت

جلد اور بالوں کے فوائد کے علاوہ، لیموں کی چائے آپ کی قوت مدافعت کو بڑھانے میں مددفراہم کرتی ہے۔ وٹامن سی سے بھری ہوئی یہ چائے جس میں اینٹی آکسیڈنٹس کے ساتھ ساتھ قوت مدافعت بڑھانے والی خصوصیات بھی ہوتی ہیں۔

یہ مشروب انفیکشن سے فوری طور پرتحفظ فراہم کرکے آپ کو مختلف امراض سے بچاتا ہے۔ لیموں میں موجود میں فلیوونائڈز جو کہ ایک اینٹی آکسیڈنٹس کو طور پر کام کرتے ہیں فری ریڈیکلز کو دور کرتے ہیں اور دماغی امراض خطرے کو کم کرتے ہیں۔

یہ آپ کے دل کی صحت کو بھی بہتر بناتی ہے- اس کی وجہ یہ ہے کہ وٹامن سی شریانوں اور رگوں کے ذریعے خون کے بہاؤ کوبہتر بناتا ہے اور جمنے سے بچاتا ہے اس طرح یہ فالج یا دل کا دورہ پڑنے کے امکانات کو کم کر دیتا ہے۔

 لیموں آپ کے بلڈ پریشر کو بھی کنٹرول کر سکتا ہے۔ اس کے نتیجے میں، مستقبل میں آپ کے ذیابیطس ہونے کا خطرہ کم ہوجاتا ہے۔  اگرچہ لیموں میں تیزابیت ہوتی ہے تاہم  ایک بار جب وہ کے جسم میں داخل ہوجاتا ہے تو جسم اسے الکلائز کرنا شروع کر دیتا ہے۔

یہ چائے صحت مند دانتوں اور مسوڑھوں کو بھی یقینی بناتی ہے، چربی اور خراب کولیسٹرول کی سطح کو کم کرتی ہے۔ ان میں موجود اینٹی آکسیڈنٹس خلیوں کو پہنچنے والے نقصان سے لڑتے ہیں جو کینسر جیسی بیماریوں کا باعث بنتے ہیں۔ چونکہ وہ زہریلے مادوں کو باہر نکالتے ہیں، اور میٹابولزم کو بڑھاتے ہیں، اس لیے یہ وزن کم کرنے میں بھی مدد کر سکتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/lifestyle/2023/10/517697/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/lifestyle/2023/10/517697/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں