اسپغول ایک ایسی ہرب ہے جس کے فوائد ان گنت ہے یہ جسمانی صحت سے لے کر جلد کی دیکھ بھال تک سب کے لیے کسی مسیحا سے کم نہیں ہے۔ اسپغول ایک زود ہضم فائبر ہے جو ہاضمہ کے کئی مسائل کو حل کرنے کی صلاحیت رکھتا ہے اور بہتر نظام انہضام مجموعی صحت کا ضامن ہے۔

اسپغول کوانگریزی میں سیلیئم ہسک کہتے ہیں اپنے صحت بخش اجزاء کی بدولت یہ کئی امراض میں بطور دوا استعمال کیا جاتا ہے۔ تاہم یہاں پر اسپغول کے جلد کے لیے فوائد پیش کئے جارہے ہیں جنہیں جان کر آپ حیران رہ جائیں گے۔

 اگرآپ جھریوں سے پاک، ہموار، صاف اور ایک ٹون میں جلد کی رنگت خواہشمند ہیں تو اسپغول ایک بہترین انتخاب ہے۔

 اسپغول میں موجود کئی اہم معدنیات، وٹامنز اور اینٹی آکسیڈنٹس آپ کی صحت کو بہتربنانے میں اہم کردارادا کرتے ہیں، یہ جسم سے زہریلے مادوں کو خارج کرنے، قبض کو دور کرنے، کولیسٹرول کو توازن میں رکھنے، اسہال میں آرام، موٹاپا سے نجات اور آنتوں کے سنڈروم سے بچانے میں مددفراہم کرتے ہیں۔

جلد کے لیے اسپغول کے فوائد

اسپغول ایک غذائی ریشہ ہے جو جلد کے کئی مسائل جیسے مہاسوں اور ایکنی کو کم کرتا ہے۔ چمکدار جلد کے لیے اسبغول کے بے شمار فوائد ہیں۔

ایکنی یا پمپلز کے لیے مفید

اگر آپ مہاسوں سے پریشان رہتے ہیں تو اس کے اثرات کو کم کرنے کے لیے اسپغول کا استعمال کرسکتے ہیں یہ مہاسوں سے ہونے والی سوزش کو دور کر کے جلد کو ہموار بنانے میں مددفراہم کرے گا۔

جلد پر جمی چکنائی سے نجات

اسپغول کو چہرے پر لگانے سے جلد پر جمی ہوئی چکنائی کو دور کرنے میں مدد ملتی ہے۔ اگر آپ آلودگی والے علاقوں میں کام کرتے ہیں تو آپ کی جلد پر دھول اور گندگی کے جمع ہونے کا سب سے زیادہ خطرہ ہے۔ ایک بار جب آپ اسپغول کو چہرے پر لگاتے ہیں تو یہ جلد کی گہری تہوں سے اضافی تیل، گندگی اور دھول کو صاف کرنے میں مدد فراہم کرتا ہے۔  یہ جیل کی صورت میں مسامات کی صفائی میں بھی معان ثابت ہوتا ہے۔ بہتر نتائج کے لیے اسے روزانہ استعمال کریں۔

سوزش کو کم کریں

اسپغول سوجن اور سوزش کو کم کرنے کے لیے بھی مشہور ہے۔ اگرآپ کسی سوزش یا دیگر دردوں میں مبتلا ہیں تو اسپغول کو لگانے سے آپ کو فوری آرام ملتا ہے۔

استعمال کا طریقہ

ایک کپ پانی میں ایک چمچ اسپغول شامل کرکے آدھا چمچ شہد ملائیں جب گارھا پیسٹ سا بن جائے تو اسے چہرے پر اچھی لگا کر ہلکے ہاتھ سے مساج کریں، اور تیس منٹ کے بعد چہرہ دھولیں اسے روزانہ ایک بار ضرور استعمال کریں چند ہی ہفتوں میں جلد چمکنے لگے گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/lifestyle/2023/10/645093/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/lifestyle/2023/10/645093/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں