سونے کے انداز سے جہاں صحت متاثر ہوتی ہے وہی یہ چہرے پر جھریوں کا سبب بن اس کی عمر میں کئی برس کا اضافہ بھی کرسکتا ہے۔ ماہرین کے مطابق آپ کس طرح سوتے ہیں یہ آپ کے چہرے سے صاف ظاہر ہوتا ہے۔ تو سونے کے لیے بہتر طریقہ کون سا ہے جس سے چہرے پر پرنے والے اثرات کم کیا جاسکے؟

ماہرین کے مطابق رات بھر کسی بھی کروٹ یاایک طرف منہ کر کے سونا چہرے پر زیادہ دباؤ کا باعث بنتا ہے جس سے عمر بڑھنے کے ساتھ ساتھ چہرے پر نمودار ہونے والی جھریوں کی نشوونما تیز ہوجاتی ہے۔

ڈاکٹر مریم زمانی جوکہ برطانیہ کی ایک اوکولوپلاسٹک سرجن ہیں کا کہنا ہے کہ یہی وجہ ہے کہ صبح بیدار ہونے پر لوگوں کو چہرے پر کئی جھریاں دکھائی دینے لگتی ہے۔ ایک آنکھ کا سائز قدرے مختلف نظر آتا ہے اورہونٹ بھی سوجے ہوئے معلوم ہوتے ہیں۔

جیسے جیسے عمر میں اضافہ ہوتا ہے سونے کے انداز اور جھریوں کے درمیان ہم آہنگی زیادہ واضح ہوتی جاتی ہے۔ اس کے علاوہ، جلد کی لچک کم ہونے کی وجہ سے رات کی نیند کے بعد ظاہر ہونے والی واضح  لکیروں کو دوبارہ ہائیڈریٹ کرنے اور جلد کی سطح کو دوبارہ ہموار کرنے کے لیے زیادہ وقت درکار ہوتا ہے۔ اور اگر طویل عرصے تک ایک ہی طرف منہ کر کے سویا  جائے تو چہرے پر پڑنے والی یہ لکیریں جھریوں کی شکل اختیار کر لیتی ہیں جن سے نجات پانا قدرے مشکل ہوجاتا ہے۔

ماہرین کے مطابق سونے کے لیے ہمیشہ پیٹھ کے بل یعنی سیدھا سونے کو اپنی عادت بنائیں اور اگر کروٹ لے کر سونا بھی ہو تو زیادہ دیر تک ایک ہی طرف رخ کر کے نہ سوئیں سونے کے لیے مناسب اونچائی کے تکیے استعمال کریں تاکہ گردن سیدھی رہے۔

انہوں نے مزید کہا کہ عمر کے ساتھ ساتھ آپ کی گردن اور جسم کے جوڑوں کو زیادہ سہارے کی ضرورت ہوتی ہے لیکن بہت زیادہ تکیے ان مسائل کو بڑھا سکتے ہیں۔

ایسے تمام افراد جو سیدھا یعنی کروٹ لیے بغیر نہیں سو سکتے انہیں چاہئے کہ سونے سے قبل چہرے پر کسی اچھے مؤسچرائیزر کا استعمال کریں تاکہ تکیے سے پڑنے والی لکیروں کو روکا جاسکے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/lifestyle/2023/10/733984/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/lifestyle/2023/10/733984/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں