سرد موسم میں جہاں ونٹر بلیوز سے آپ اداسی کا سامنا کرتے ہیں وہی کچھ لوگ جوڑوں کے درد میں اضافے کی شکایت کرتے دکھائی دیتے ہیں۔ اگر آپ جوڑوں کے درد میں مبتلا ہیں تو یہ موسم اس میں اضافہ کا سبب بن سکتا ہے ۔ لوگوں کی اکثریت اس کے علاج کی غرض سے مختلف دواؤں کا استعمال کرتی ہیں جبکہ کچھ اس کے لئے گھریلو علاج کو ترجیح دیتے ہیں۔

ایسا ہی ایک سود مند اور مؤثر علاج جو ہر گھر میں موجود ہے وہ ہے تیز پات۔ یہ حیرت انگیز پتے مختلف پکوانوں میں ذائقہ دینے کے علاوہ اپنے اندر صحت سے جڑے مسائل جیسے جو ڑوں اورسردرد سے نجات کے لئے ان گنت فوائد رکھتے ہیں۔ اس کے علاوہ یہ پتے قوت مدافعت بڑھانے،تناؤکو کم کرنے اور اعصاب کو پر سکون رکھنے میں بے مفید ہیں۔ جانتے ہیں کہ جوڑوں کے درد سے نجات کے لئے اسے کس طرح استعمال کیا جاتا ہے۔

جوڑوں کے درد سے نجات کے لئے

اس مقصدکے لئے تیز پات کو زیتون کے تیل میں شامل کر کے تیل تیار کیا جاتا ہے جو جوڑوں کے درد سے آرام دیتا ہے،اسے تیار کرنے کے جو اجزاء چاہئے وہ یہ ہیں۔

اجزاء:

تیزپات تیس گرام

ایکسٹرا ورجن زیتون کا تیل ایک کپ

ترکیب:

ان پتوں گرائینڈر میں اچھی طرح پیس لیں ۔ اب ان پسے ہوئے پتوں کو زیتون کے تیل میں شامل کر کے کسی بوتل میں ڈال کر اسے دو ہفتے کے لئے کسی اندھیری اور ٹھنڈی جگہ پر رکھ دیں ۔ بوتل کو دن میں ایک بار ضرور ہلائیں تا کہ اجزاء اچھی طرح مکس ہو سکیں ۔ اب اسے مزید دو ہفتے کے لئے خشک اور ٹھنڈی جگہ پر رکھ دیں ۔ دو ہفتوں کے بعد اسے کسی کپڑے سے چھان کر اس تیل کو بوتل میں محفوظ کر لیں اور درد کی جگہ پرلگائیں اور ہلکے ہاتھ سے مساج کریں ۔ یہ تیل جوڑوں کے درد کے لئے بہترین ہے۔