موسم کی تبدیلیوں کے ساتھ ساتھ جہاں ہمارے اٹھنے بیٹھنے، پہننے اوڑھنے ، جاگنے سونے کے انداز تبدیل ہوتے ہیں وہاں ہماری جلد پر بھی موسم کی تبدیلیاں براہ راست اثر انداز ہوتی ہیں۔

چند ٹوٹکوں پر عمل کرکے آپ اپنی جلد کو بدلتے موسم کے اثرات سے محفوظ رکھ سکتے ہیں۔

سردیوں میں جلد کو خشک ہونے سے بچانے کے لیے لازمی ہے کہ اس  کی حفاظت بھی اس  موسم کے آغاز میں ہی کر دی جائے۔

خشک جلد کیلئے چنے کے آٹے کا ماسک  

ایک چمچ چنے کے آٹے میں ایک چمچ خشک دودھ ملا لیں، اب اس میں حسب ضرور لیموں کا رس مکس کر کے چہرے پر لگائیں۔

سوکھنے تک یہ ماسک لگا رہنے دیں اور جب سوکھ جائے تو ٹھنڈے پانی سے دھو لیں ۔

احتیاط

خشک دودھ اور چنے کے آٹے سے بنے اس فیس ماسک سے جلد پر مساج کرنے سے گریز کریں ۔

اگر آپ کی جلد پر پہلے سے ایکنی، کیل مہاسے موجود ہیں تو پہلے اس ماسک کا ٹیسٹ کر لیں، اگر ایکنی اور دانوں میں اضافہ نہ ہو تو استعمال کریں ۔

یہ فیس ماسک خشک جلد والوں کے لیے نہایت مفید ہیں ۔

فیس ماسک ٹھنڈے پانی سے دھونے کے بعد عرق گلاب چہرے پر لگا لیں۔