ایپل کمپنی کی اندر کی خبریں دینے والے بعض اہم ذرائع نے کہا ہے کہ اس سال آئی فون 16 کے پانچ ماڈل پیش کئے جاسکتے ہیں۔ ان میں کیمرہ ڈیزائن بہتر بنایا گیا ہے اور چیسس ڈیزائن میں بنیادی تبدیلیاں کی گئی ہیں۔

سب سے اہم پوسٹ ایکس پلیٹ فارم (سابقہ ٹویٹر) پر میجن بیو نے کی ہے جن کی پہلے بھی کچھ پیشگوئیاں درست ثابت ہوئی ہیں۔ اب میجن کا اصرار ہے کہ آئی فون 16 میں کیمرہ چیسس میں تبدیلیاں کی گئی ہیں اور عمودی یا ورٹیکل کیمرہ لے آوٹ بنایا گیا ہے۔ اس کیمرہ پروجیکٹ کو ایپل نے آئی 34 کا نام دیا ہے اور توقع ہے کہ سال کے آخر میں اسے پیش کیا جائے گا۔

کیمرہ ڈیزائن میں تبدیلی کی وجہ تمام کیمرہ سینسر کو ایک قطار میں رکھنا ہے جو آئی فون 15 اور پلس سے قدرے مختلف ہے۔ اس کا اہم مقصد ویڈیو ریکارڈنگ کو بہتر بنانا ہے۔ لیکن اس میں ایکشن بٹن کا اضافہ ہوسکتا ہے جو نئی فورس سینسر ٹیکنالوجی کو ممکن بناتا ہے۔

آخری اہم بات یہ ہے کہ اس بار نئے رنگوں کا آئی فون دیکھا جاسکتا ہے اور پانچ نئے ماڈل فروخت ہوں گے ۔