عالمی تکنیکی تجزیہ کاروں نے کہا ہے کہ انسٹاگرام اندرونی طور پر بطورِ خاص ریلز کے لیے ایک نئے فیچر پر کام کررہا ہے۔ اس ‘بلینڈ’ کا نام دیا گیا ہے۔

اس آپشن کی بدولت، بطورخاص ریلز کو دیکھا اور پیش کیا جاسکتا ہے۔ اس کے ذریعے ریلز کی پرسنلائزڈ فیڈ یعنی ذاتی فیڈ کو برتا جاسکے گا۔ اسی طرح تجویز کردہ یا ریکمنڈڈ ریلز بھی بنائی جاسکیں گی جنہیں آپ اور صرف آپ کے دوست ہی دیکھ سکیں گے۔ اس کے علاوہ ترجیحات کے لحاظ سے ریلز سامنے آئیں گی اور یوں وقت ضائع ہونے سے بچے گا۔

تاہم بلینڈ کا مرکزی مقصد تخلیہ یا پرائیوسی ہے کیونکہ بلینڈ سے باہر نکلنا بھی کسی بھی وقت ممکن ہوسکے گا۔ تاہم ماہرین نے اسے اسپاٹیفائی کی شیئرڈ پلے لسٹ فیچر جیسا قرار دیا ہے۔ لیکن توقع ہے کہ اس انسٹاگرام ٹک ٹاک پر سبقت ضرور حاصل کرسکے گا۔

لیکن انسٹاگرام کی مرکزی کمپنی میٹا نے اپنی اس ایپ کو بہتر سے بہتر بنانے کی کوشش کی ہے۔ اس سے قبل نئے ٹولز، ریلز بنانے کے ٹیمپلٹس، ریل بنانے کا عمل آسان کردیا ہے۔ اس کے علاوہ ریلز کو دکھانے کے بہتر آپشن بھی پیش کئے ہیں۔ یہی وجہ ہے کہ اب بھی مسابقت کی دوڑ میں انسٹاگرام بہتر پوزیشن پر ہے ۔