یہ اعزاز جاپان کے شہر توکوشیما پریفیکچر کو حاصل ہے جہاں جاپان سمیت دنیا کا سب سے چھوٹا پہاڑ موجود ہے جس کی اونچائی محض 6.1 میٹر ہے۔

بینٹن ماؤنٹینن نامی یہ سرسبز پہاڑ جاپان کے شہر توکوشیما پریفیکچر میں واقع ہے جسے دنیا کا سب سے چھوٹا قدرتی پہاڑ سمجھا جاتا ہے اس پہاڑ کی اونچائی صرف 6.1 میٹر اور قطر 60 میٹر سے بھی کم ہے۔ واضح رہے کہ یہ پہاڑ ٹوکوشیما کے پریفیکچرل روڈ 10 کے ساتھ ساتھ زرخیز چاول کے کھیتوں کے بیچ میں واقع ہے ۔

دنیا کے سب سے چھوٹے پہاڑ ہونے کے ناطے اس کی چوٹی تک پہنچنے میں اوسطاً ایک منٹ کا وقت لگتا ہے، تاہم  اس کے باوجود ہر سال 10,000 سے زیادہ لوگ دنیا کے اس مختصر ترین پہاڑ کو دیکھنے کے لیے یہاں کا سفر اختیار کرتے ہیں۔

اس میں کچھ لوگ ایسے بھی ہیں جو  صرف 6.1 میٹر اونچے پہاڑ کو طے کرنا ہی ایک نئی بات سمجھتے ہیں۔ جبکہ دوسرے لوگ موم کے درخت، کیملیاس اور پتھریلی سطح پر اگنے والے پھولوں کودیکھنے اور تعریف کرنے یہاں چلے آتے ہیں۔

تاہم بہت سے لوگ اتسوکوشیما کے مزار تک پہنچنے کے لیے اس مختصر سے سفر کو اختیار کرتے ہیں جسے حکمت کی دیوی بینزائیٹن کے اعزاز میں بنایا گیا تھا۔

بینٹن ماؤنٹین کو باضابطہ طور پر یکم جون سے سیاحوں کے لیے کھول دیا جاتا ہے، اس کی وجہ یہاں کی چند غیر منافع بخش مقامی تنظیموں کے ذریعے فرسٹ کلائمب آف دی ایئر تقریب کا انعقاد کیا جاتا ہے،

اس دن 6.1 میٹر چوٹی تک پہنچنے والے زائرین کو ایک چھوٹی سی فیس کے عوض اسکیلنگ کے ثبوت کے ساتھ انعام دیا جاتا ہے۔ جاپان کا یہ سب سے چھوٹا پہاڑ چیری بلاسم کے تہواروں سے لے کر شادی کی تقریبات تک متعدد تقریبات کی سال بھر میزبانی کرتا ہے۔

حیرت کی بات یہ ہے کہ بینٹین نہ صرف جاپان کا سب سے چھوٹا بلکہ سب سے محفوظ پہاڑ بھی ہے، یہاں کبھی کسی حادثے یا لاپتہ ہونے کی کوئی اطلاع نہیں ہے۔

جس طرح بینٹن جاپان کا سب سے چھوٹا پہاڑ ہے بلکل اسی طرح جاپان کا سب سے اونچا پہاڑ، ماؤنٹ فوجی ہے جوکہ 3,776 میٹر بلند ہے۔