کہا جاتا ہے کہ ہر موسم کا پھل ضرور کھانا چاہئے کیونکہ وہ موسم کے اثرات اور امراض سے تحفظ فراہم کرا ہے، ان ہی  موسمی پھلوں میں املوک بھی شامل ہے۔

املوک جو کہ جاپان کا قومی پھل ہے یہی وجہ ہے کہ پاکستان بلکہ دنیا بھر میں اسے جاپانی پھل کے نام جانا جاتا ہے تاہم اردو میں اسے املوک اور انگریزی میں پرسیمون  کہا جاتا ہے، ٹماٹر کی طرح دکھائی دینے والا یہ پھل انتہائی میٹھا اور صحت بخش ہوتا ہے، املوک ایک گرم مزاج پھل ہے اس لیے اس کو اعتدال میں ہی کھانا چاہئے، املوک ہمیشہ پکا ہوا کھائیں کچا پھل نقصان دہ ہوسکتا ہے، یہ مزیدار پھل کس طرح آپ کی صحت کو بہتر بناتا ہے جانتے ہیں۔

 

دل کی صحت بہتر بنائے

املوک میں موجود اینٹی آکسیڈنٹس دل کو مختلف بیماریوں سے بچاتے ہیں، خاص طور پر کولیسٹرول کی سطح کو کم کرنے میں مدد دیتے ہیں۔

وزن کم کرنے میں معاون
کم کیلوری ہونے کی وجہ سے املوک وزن کم کرنے کے لیے بہترین انتخاب ہیں، کیونکہ یہ پھل بھوک کو کنٹرول میں رکھتا ہے۔

آنکھوں کی حفاظت
املوک میں وٹامن اے اور دیگر غذائی اجزاء موجود ہوتے ہیں جو آنکھوں کی صحت کو بہتر بناتے ہیں اور بینائی کو تیز رکھتے ہیں۔

ہاضمے کے لیے مفید

اس پھل میں فائبر کی وافر مقدار موجود ہوتی ہے جو ہاضمے کو بہتر بناتی ہے اور قبض جیسے مسائل سے نجات دلانے میں مددگار ثابت ہوتی ہے۔

قوت مدافعت میں اضافہ
وٹامن سی سے بھرپور املوک آپ کے مدافعتی نظام کو مضبوط بناکر آپ کو کئی امراض سے تحفظ فراہم کرتا ہے۔

جلد کو تروتازہ رکھے
املوک میں موجود اینٹی آکسیڈنٹس جلد کی صحت کو بہتر بناتے ہیں، عمر بڑھنے کے اثرات کو کم کرتے ہیں اور جلد کو چمکدار بناتے ہیں۔

متوازن بلڈ پریشر

اس میں موجود پوٹاشیم بلڈ پریشر کو متوازن کرنے میں مدد کرتا ہے، جس سے ہائی بلڈ پریشر کے خطرات کم ہوتے ہیں۔

کینسر سے بچاؤ میں مددگار
املوک میں موجود اینٹی آکسیڈنٹس کینسر سے بچاؤ میں اہم کردار ادا کرتے ہیں، خاص طور پر جسم میں فری ریڈیکلز کو ختم کرنے میں اس کا کوئی ثانی نہیں ہے۔

مضبوط ہڈیاں
اس میں کیلشیم اور میگنیشیم کی موجودگی ہڈیوں کو مضبوط بناتی ہے اور ہڈیوں کے بھربھرے پن کے خطرے کو کم کرتی ہے۔

ذہنی صحت میں مددگار

اس پھل میں موجود وٹامن بی6 اور دیگر غذائی اجزاء دماغی صحت کو بہتر بنانے میں معاون ثابت ہوتے ہیں اور ذہنی دباؤ کو کم کرنے میں مدد دیتے ہیں۔

املوک کے یہ فوائد اس بات کی نشاندہی کرتے ہیں کہ یہ پھل آپ کی مجموعی صحت کے لیے نہایت مفید ہے، جسے روزمرہ کی خوراک میں شامل کر کے بے شمار فوائد حاصل کیے جا سکتے ہیں۔