انجیر خشک میوہ جات میں ایک اہم میوہ تصور کی جاتی ہے یہ اپنے اندر حیرت انگیز خواص رکھتی ہے۔ آپ کو یہ جان کر حیرت ہوگی کہ یہ شہتوت کے خاندان سے تعلق رکھتی ہے۔

انجیر پوٹاشیئم اور کیلشیئم کے حصول کا مؤثر ذریعہ ہے یہ دونوں اہم معدنیات مل کر ہڈیوں کی کثافت کو بہتر بناتی ہے اس طرح انسان اوسٹیوپروسس سے بچا رہتا ہے۔

انجیر کھانے میں نرم جبکہ ذائقے میں میٹھی ہوتی ہے، یہ قدرے خوردنی بیجوں سے بھرے ہوتی ہے۔ تازہ انجیرجلد خراب ہوجاتی ہے اس لیے انہیں محفوظ رکھنے کے لیے خشک کیا جاتا ہے۔ اس طرح سے ایک میٹھا اور غذائیت سے بھرپور خشک میوہ سامنے آتا ہے جس سے سارا سال لطف اٹھایا جا سکتا ہے۔

یہاں پر انجیر کے چند حیرت انگیز فوائد پیش کیے جارہے ہیں۔

وزن کم کرنے میں مددگار

انجیر میں موجود فائبر وزن کم کرنے میں مدد دیتا ہے کیونکہ فائبر دیر سے ہضم ہوتا، اس طرح بھوک کم لگتی ہے۔

قبض سے نجات

انجیر ایک قدرتی قبض کشا ہے یہ آنتوں کی حرکت کو بہتر بناتی ہے اور قبض کے مسائل کو حل کرتی ہے۔

دل کی صحت کے لیے مفید

انجیر میں موجود اینٹی آکسیڈنٹس اور فائبر کولیسٹرول کو کم کرنے میں مدد دیتے ہیں، اس طرح امراض قلب کا خطرہ کم ہوجاتا ہے۔

مضبوط ہڈیاں

انجیر میں کیلشیم اور فاسفورس کی موجودگی ہڈیوں کو مضبوط بناتی اور ہڈیوں کے بھربھرے پن کو روکتی ہے۔

خون کی کمی کا علاج

انجیر میں آئرن کی مناسب مقدار موجود ہوتی ہے، جو خون کی کمی کو پورا کرنے میں مددگار ثابت ہوتی ہے۔

بلڈ پریشر کنٹرول کرتی ہے

انجیر میں پوٹاشیم ہوتا ہے جو بلڈ پریشر کو توازن میں رکھنے میں مدد دیتا ہے اور ہائی بلڈ پریشر کو کنٹرول کرتا ہے۔

جلد کے مسائل کا علاج

انجیر میں موجود وٹامن سی اور اینٹی آکسیڈنٹس جلد کی خوبصورتی بڑھاتے ہیں اور جلد کے مسائل جیسے جھریاں اور داغ دھبے ختم کرتے ہیں۔

مدافعتی نظام کو بہتر بناتا ہے

انجیر میں موجود وٹامنز اور منرلز مدافعتی نظام کو بہتر بناتے ہیں اور جسم کو مختلف بیماریوں سے تحفظ فراہم کرتے ہیں۔

جگر کی صحت کی ضامن

انجیر جگر کی صفائی میں مددگار ہوتی ہے اور جگر کی کارکردگی کو بہتر بناتی ہے، جس سے جسم میں زہریلے مادے ختم ہوتے ہیں۔

بالوں کی نشوونما

انجیر میں موجود وٹامن بی اور دیگر منرلز بالوں کی جڑوں کو مضبوط بناتے ہیں اور بالوں کی نشوونما کو فروغ دیتے ہیں۔