دنیا میں ایسے افراد کی کمی نہیں ہے جو کچھ منفرد کام کر کے مقبول ہونا چاہتے ہیں انہیں میں بنگلہ دیش سے تعلق رکھنے والی خاتون بھی شامل ہیں جنہوں نے ایک منٹ میں چاب اسٹک سے سب سے زیادہ چاول کے دانہ کھانے کا عالمی اعزاز اپنے نام کر لیا۔

بنگلہ دیش سے تعلق رکھنے والی 24 سالہ سمیعہ خان نے چاب اسٹک کا استعمال کرتے ہوئے  ایک منٹ میں 37 چاول کے دانے اٹھا کر کھانے کا عالمی اعزاز اپنے  حاصل کر لیا۔

سمیہ خان، نے گنیز ورلڈ ریکارڈز کو بتایا کہ وہ گزشتہ کچھ سالوں سے ہر طرح کے کھانے کے لیے چاب اسٹک کا استعمال کر رہی ہیں۔

انہوں نے مزید یہ بھی کہا کہ وہ پہلے رامن کی دیوانی تھی، واضح رہے کہ رامن ایک جاپانی ڈش ہے جس میں نوڈلز کا استعمال کیا جاتا ہے اور انہیں  کورین ثقافت بھی بہت پسند تھی، اس لیے انہوں نے چاب اسٹک خرید لیے اور تب سے اب تک وہ تمام کھانے اسی سے کھاتی ہیں، چونکہ ان کا تعلق بنگلہ دیش ہے تو اسی انہیں چاول بہت پسند ہیں اور وہ تقریباً ہر دن چاول کھاتی ہیں۔

سمیعہ کی دوست ان کی چاول کھانے کی مہارت کو دیکھ کر انہیں تجویز دی کہ وہ چاب اسٹک کا استعمال کرتے ہوئے ایک منٹ میں سب سے زیادہ چاول کے دانے کھانے کا ریکارڈ توڑ سکتی ہیں، جو پہلے 27 دانے تھا، تاہم خان نے ایک منٹ میں 37 دانے کھا کر سابقہ ریکارڈ کو آسانی سے توڑ دیا۔

سمیعہ کا کہنا ہے کہ انہیں یہ سب ایک خواب سے لگتا ہے، اور وہ اس بات پر فخر محسوس کر رہی ہیں کیونکہ یہ ایک بہت بڑی بات ہے، کہ ان کا نام دنیا میں مشہور ہورہا ہے اور وہ اس کے لیے شکر گزار ہیں۔