وطن عزیز میں مون سون کا سیزن اپنے عروج پر ہے اور بارشیں خوب جم کے برس رہی ہیں۔  شہربھر میں پانی جمع ہونے کے سبب جہاں آمدورفت کے مسائل جنم لے رہے ہیں وہی مکھیاں اور دیگر حشرات نے بھی شہریوں کی مشکلات میں اضافہ کر دیا ہے مکھیاں ریستوران میں ہو یا گھروں میں ان کی موجودگی میں کھانے پینے کی اشیاء کو ان سے بچانا نہایت مشکل ہوجاتا ہے۔

 برسات کے موسم میں یوں تو مکھیاں ہر طرف دکھائی دینے لگتی ہیں تاہم جب بات کچن کی ہو تومکھیوں کی موجودگی میں کھاناپکانا محال ہوجاتا ہے اور ساتھ ہی یہ کئی بیماریاں پھیلانے کا سبب بھی بنتی ہیں۔ ان سے چھٹکارہ حاصل کرنا اکثر مشکل ہوجاتا ہے۔

یہ بھی پڑھیں: موسم برسات میں چکنی جلد کو نارمل بنانے کے لیے یہ طریقے آزمائیں

  یہی وجہ ہے کہ یہاں پرمکھیوں کو دور بھگانے کے لیے چند انتہائی کار آمد طریقے بتارہیں ہیں جن کی مدد سے مکھیاں آپ کے کچن کا رخ نہیں کرے گی۔

خوشبودارمحلول کا اسپرے

کسی بھی خوشبودار تیل کے چند قطرے پانی میں ملاکر ایک خوشبودار محلول تیار کریں اب اسے اسپرے بوتل میں بھر کر جہاں مکھیاں زیادہ آتی ہوں اسپرے کرے مکھیاں نہیں آئی گی۔

پانی سے بھری پلاسٹک کی تھیلیاں

ایک شفاف پلاسٹک کی تھیلی میں پانی بھر کر کچن کی کھڑکیوں اور دروازوں کے درمیان لٹکادیں وہ دور سے مکڑی کے جالے کی طرح نظر آتی ہیں اسے دیکھ مکھیاں اندر نہیں آئی گی۔

جڑی بوٹیوں کی مہک سے مکھیاں بھگائیں

تیزپات، تلسی اور گیندے میں مخصوص مہک ہوتی ہے جو مکھیوں کو پسند نہیں ہوتی ان کے پودے باورچی خانے میں رکھنے سے مکھیاں اندرداخل نہیں ہوں گی۔

سوکھے تلسی اور تیزپات کو ایک ململ کے کپڑے میں باندھ کر کچن کی کھڑکیوں اور دروازوں کے درمیان لٹکانے سے بھی مکھیاں بھاگ جائیں گی۔

لونگ اور لیموں سے مکھیاں دور کریں

لونگ کا استعمال کھانوں میں خوشبوکے لئے کیا جاتا ہے مگر اس کی بو مکھیوں کو ناگوار گزرتی ہے اور اس کے ساتھ لیموں بھی شامل ہوجائے تومکھیاں کبھی اس طرف رخ نہیں کرے گی۔

ایک لیموں کو درمیان سے دو حصوں میں کاٹ کراسے نرم کرلیں اب اس میں لونگ کی کچھ مقدار لگا کر کچن میں رکھ دیں اور مکھیوں سے فوری نجات پائیں۔