پھل اور سبزیوں میں بھی صحت اور خوبصورتی کے کئی راز چُھپے ہیں جن کی مدد سے پہلے کے لوگ بہت فائدہ حاصل کرتے تھے لیکن اب لوگوں کو اس کا اتنا علم نہیں رہا ہے۔

آج ہم آپ کو پیاز اور ادرک کے رس  کو ایک دوسرے سے ملا کر استعمال کرنے کے حیرت انگیز فائدے بتائيں گے۔

ادرک اور پیاز کے رس کو بنانے کا طریقہ

پیاز اور ادرک کا رس  بنانے کا طریقہ بہت آسان ہے۔

اس کی تیاری کے لیے ایک درمیانے سائز کا پیاز لے لیں اور ایک درمیانے سائز کا ادرک کا ٹکڑا لے کر دونوں کو چھیل لیں اور اس کو بلینڈر میں ڈال کر بلینڈ کر لیں۔

اس کے بعد ان کو چھاننی میں چھان لیں مگر اس بات کا خیال رکھیں کہ اس کو چھانتے ہوئے بہت دبانا نہیں ہے کہ پیاز کے سفید ٹکڑے رس میں نہ چلا جائیں۔

اس کے بعد لیموں کے چند قطرے اگر چاہیں تو شامل کر دیں۔

فائدے

پیاز اور ادرک دونوں کا جوس اینٹی آکسیڈنٹ ہوتا ہے جو کہ جسم کے اندر سے زہریلے مادوں کو خارج کرتے ہیں اور میٹا بولزم کے عمل کو تیز کرتے ہیں جس کی وجہ سے جسم کی صحت کی عمومی حالت بہترہوتی ہے۔

اس کے ساتھ ساتھ اس رس میں وٹامن ای اور ایک خاص قسم کی پروٹین گلوٹا تھیون موجود ہوتی ہے ان دونوں اجزا کی موجودگی کی وجہ سے آنکھوں کے مختلف حصوں کو طاقت ملتی ہے جس سے بینائی بہتر ہوتی ہے۔

عام طور پر خواتین میں ماہواری کے سبب یا حمل کے دوران خون کی کمی ہو جاتی ہے- اس کے علاوہ دودھ پلانے کے سبب یا کسی بھی دوسرے صحت کے مسائل کی وجہ سے خون کی کمی ہو جاتی ہے- جس کے لیے میڈیکل سائنس کے مطابق ڈاکٹر خون چڑھانے کا مشورہ دیتے ہیں۔

 پیاز اور ادرک کے جوس  کے استعمال سے پیلی رنگت اور بے رونق چہرے کو ایک نئي جلا ملتی ہے اور انسان کی رنگت گلابی اور چمکدار ہو جاتی ہے۔

ان دونوں کے رس کو ملا کر پینے سے خون کی طاقت اور صحت میں بھی اضافہ ہوتا ہے جو کہ خون کی کمی کو پورا کرنے کے لیے ضروری ہوتا ہے۔

سر کے بال خوبصورتی بڑھانے کا اہم ذریعہ ہوتا ہے مگر اس کے مختلف مسائل ان کو خشک، بے رونق اور کمزور بنا دیتے ہیں۔

ماہرین کے مطابق سر کے بالوں کے حوالے سے جملہ مسائل جن میں خشکی، سکری، جوئيں، بالوں کا دو منہ بننا یا گنج پن کی صورت غرض کسی بھی قسم کے مسئلے کی صورت میں پیاز اور ادرک کے رس کو ملا کر سر پر مالش کرنے سے ان تمام مسائل سے نہ صرف نجات ملتی ہے بلکہ بال صحت مند ہوتے ہیں۔