کوئٹہ میں مشرقی بائی پاس میں دھماکہ ہوا جس میں تین افراد جاں بحق جبکہ اکیس زخمی ہوگئے ہیں ۔

ریسکیو ذرائع کے مطا بق دھماکہ زرغون میڈیکل کمپلکس کے قریب شیر جان اسٹاپ پرہوا۔

دھماکے سے متعدد دکانوں اور گاڑیوں کو نقصان پہنچا ہے۔

زرائع کے مطابق واقعہ کی اطلا ع ملتے ہی جائے حادثہ کی جانب سیکیورٹی فورسز روانہ کردی گئی ۔

پولیس ذرائع کے مطابق واقعہ میں زخمی ہونے والے افراد کو اسپتال منتقل کردیا گیا ہے جہاں انھیں طبی امداد فراہم کی جا رہی ہے۔

وزیراعلیٰ بلوچستان جام کمال خا ن کی کوئٹہ بم دھماکے کی مزمت کرتے ہوئے قیمتی جانی نقصان پر دکھ اور افسوس کا اظہارکیا۔

وزیراعلیٰ کا کہنا تھا کہ دہشت اور وحشت پھیلانےوالوں کا کوئی مزہب،قوم وقبیلہ نہیں اوریہ سخت ترین سزا کے مستحق ہیں۔