پولیس نے کراچی  کے علاقے گڈاپ سے بین الصوبائی منشیات فروش گروہ کا کارندہ گرفتارکر لیا۔

تفصیلات کے مطابق گڈاپ میں پولیس  نے خفیہ اطلاع پرمنشیات فروشوں کے خلاف بڑی کارروائی کرتے ہوئے بین الصوبائی منشیات فروش گروہ کے کارندے کو گرفتار کر کے شہرمیں سپلائی کے لیےلائی گئی کروڑوں روپے مالیت کی 20 کلو سے زائدہیروئن برآمد کرلی ہے۔

ایس ایس پی ملیر کے مطابق ملزم محمد عنصر تعلیمی اداروں اور پوش علاقوں میں منشیات فروخت کرنے والے گروہوں کو ہیروئن سپلائی کرتا تھا۔

ایس ایس پی ملیرکا مزید کہنا تھا کہ ملزم کے خلاف مقدمہ درج کر لیاگیا ہےاور مزید تفتیش کی جارہی ہے۔