بلاول ہاؤس کے میڈیا سیل میں جاری اپوزیشن کا اجلاس ختم ہوگیا ہے، اجلاس میں حکومت کے خلاف محاذ آرائی اور 25 جولائی کو یوم سیاہ منانے پر اتفاق کرلیا گیا ہے۔

اجلاس کے بعد اپوزیشن جماعتوں کی مشترکہ پریس کانفرنس میں کہا کہ 25 جولائی کو مزار قائد پر ایک عظیم الشان جلسہ منعقد کیا جائے گا جس سے اپوزیشن جماعتوں کے مرکزی قائدین خطاب کرینگے۔

اپوزیشن جماعتوں کا کہنا تھا کہ آج پاکستان کی تمام سیاسی پارٹیاں ایک پیج پر موجودہ حکومت کے خلاف ہیں، اس حکومت نے عوام کو کوئی ریلیف نہیں دیا، موجودہ حکومت کے بس میں نہیں ہے کہ وہ حالات بہتر کرے عوام اس جلسہ کو اپنی شرکت سے کامیاب بنائیں۔

اپوزیشن نے مزید بتایا کہ جلسے کی تیاری کے لئے 21 جولائی کومیٹینگ رکھی گئی ہے جس میں 25 جولائی کے جلسے کے حوالے سے انتطامات کو حتمی شکل دی جائے گی۔

بلاول ہاؤس میں شامل جماعتوں میں پیپلزپارٹی، مسلم لیگ ن، جمعیت علمائے اسلام ف، عوامی نیشنل پارٹی، جمیعت علمائے پاکستان، پختونخواہ ملی عوامی پارٹی اور نیشنل پارٹی شامل ہیں۔

جبکہ میں اپوزیشن جماعتوں کے قائم علی شاہ، وقار مہدی، سعید غنی ،تاج حیدر اور نعمان شیخ، شاہ محمد شاہ، مفتاح اسماعیل، علی اکبر گجر، مولانا عبدالکریم، مولانا غیاث، مولانا حماد اللہ، یونس بونیری، فاروق بنگش، حنیف شاہ، حلیم خان غوری، نوید نورانی، نظیر جان، سکندر خان، رمضان میمن اور مجید ساجدی نے شرکت کی۔