ریلوے حکام نےاکبرایکسپریس کےحالیہ حادثےکا ذمہ دارڈرائیورکو قراردیدیا ۔

تفصیلات کے مطابق سینیٹراسدجونیجوکی زیرصدارت سینیٹ قائمہ کمیٹی برائےریلوے کا

اجلاس ہوا۔

اجلاس میں ریلوے حکام نے بتایا کہ اکبر ایکسپریس کے ڈرائیورکو پہلےآؤٹرسگنل پرروکا گیا جوکہ ریڈ تھا۔

حکام کا کہنا تھا کہ ٹرین ڈرائیور نے ریڈ سگنل کو فالو نہیں کیا جس کی وجہ سے حادثہ پیش آیا۔

حکام کا مزید کہنا تھا کہ ڈرائیور کے ساتھ اسسٹنٹ جسے بریک لگانے کا اختیار ہے، اُس نے بھی حادثے سے پہلے  بریک نہیں لگائی۔

کمیٹی نے ڈرائیور اور اسسٹنٹ ڈرائیور کی میڈیکل اور مینٹل ہیلتھ رپورٹ طلب کر لی۔

واضح رہے گزشتہ دنوں صادق آباد میں اکبر ایکسپریس کے مال گاڑی سے تصادم میں ایک ریلوے ملازم سمیت چھبیس افراد جاں بحق اور درجنوں  زخمی ہوگئے تھے۔