اپوزیشن لیڈر راجہ ظفر الحق سے میر حاصل بزنجو نے ملاقات کی، جس میں چیئرمین سینیٹ کے خلاف تحریک عدم اعتماد کی حکمت عملی پر تبادلہ خیال کیا گیا۔

تفصیلات کے مطا بق پاکستان کے ایوان بالا میں چیئرمین سینیٹ کی ممکنہ تبدیلی کے لیے بلوچستان سے نیشنل پارٹی کے سینیٹر میر حاصل خان بزنجو کی اپوزیشن لیڈرراجہ ظفر الحق سے ملاقات  ہوئی ۔۔

ملاقات میں میر حا صل بزنجو نے میڈیا سے گفتگوکرتے ہوئے کہا کہ چیئرمین سینیٹ کے لیے اپوزیشن کے امیدوار کا فیصلہ 11 جولائی کو رہبر کمیٹی کے اجلاس میں کیا جائے گا۔

حاصل بزنجو نےامیدوار ہونے کی تردید کرتے ہوئے کہاکہ زیادہ سے زیادہ سینیٹرز کے دستخط کے ساتھ تحریک جمع کرونا چاہتےہیں ۔

ان کا مزید کہنا تھا کہ تمام اپوزیشن سینیٹرز کا اجلاس کل پارلیمنٹ ہائوس میں طلب کرلیا ہےاورنئے چیئرمین سینیٹ کا فیصلہ رہبرکمیٹی کرے گی۔

ذرائع کا کہنا ہے کہ اجلاس میں اپوزیشن جماعتوں کے سینیٹرزسے رابطوں سے متعلق حکمت عملی طے کی جائیگی،اجلاس میں قائد ایوان شبلی فراز، اعظم سواتی، سنیٹر احمد خان، سنیٹر مراز آفریدی سمیت دیگر شریک ہونگے۔