بھارت اور پاکستان کے درمیان ٹریک ٹو مذاکرات کا آغاز کل اسلام آباد میں ہوگا،جس کا بنیادی مقصد دونوں ملکوں کے نوجوانوں کو امن کی ترغیب دینا ہے۔

تفصیلات کے مطا بق پاک بھارت ٹریک ٹو مذاکرات کا انعقاد ریجنل پیس انسٹی ٹیوٹ نے کیا ہے۔دو روزہ مزاکرات کا پہلا دور اسلام آباد جبکے دوسرا دور نئی دہلی میں ہوگا ۔

ذرائع کے مطا بق دوروزہ مذاکرات میں دو طرفہ تعلقات جائزے کے ورکنگ سیشنز ہوں گے۔مزاکرات میں پاکستان اور بھارت کے وفود کےعلاوہ دونوں ممالک کے دفترخارجہ حکام اورسابق سفرا بھی شریک ہونگے۔

ریجنل پیس انسٹی ٹیوٹ کے سربراہ رؤف حسن کہتے ہیں کہ فروری سے پاک بھارت کشیدہ تعلقات کے بعد یہ مذاکرات اہم ہیں۔

رؤف حسن کا مزید کہنا تھا کہ دو طرفہ تعلقات کی بہتری کے لئے  پہلا راستہ ٹریک ٹو کو قرار دیا ، ان کے مطا بق مذاکرات کا بنیادی مقصد دونوں ملکوں کے نوجوانوں کو امن کی ترغیب دینا ہے۔