پاکستان نے اقوام متحدہ  میں   خطے میں دہشت گردی اور منظم جرائم کے خاتمے  کے لیےاپنا کردار جاری رکھنے کے عزم کا اعادہ کیا ہے۔

 تفصیلات  کے مطابق اقوام متحدہ میں پاکستان کی مستقل مندوب ملیحہ لودھی نے اقوام متحدہ کی سلامتی کونسل میں عالمی امن اور سلامتی کو درپیش خطرات کےبارے میں مباحثےمیں اظہارخیال کرتے ہوئے کہاکہ عالمی امن جنوبی ایشیائی خطے    سمیت   پوری دنیا  کے لیے ناگزیر ہے۔

انہوں نے کہا کہ دہشت گردی کا سب سے بڑا شکار ہونے والے ملک کی حیثیت سے پاکستان کا دہشت گردی کے خاتمے  کے لیےعزم واضح اور غیر متزلزل ہے۔

ملیحہ لودھی نے کہا کہ عالمی برادری صرف اجتماعی علاقائی اور عالمی کوششوں سے ان مختلف ذرائع کا خاتمہ کرسکتی ہے جو منظم جرائم کے ذریعے دہشت گرد تنظیموں کی مدد کا باعث بنتے ہیں۔