کوئٹہ میں کوئلہ کان میں دھماکہ ہوا، افسوسناک حادثےمیں 11 کان کنوں کی زندگی خطرے میں پڑگئی ہے۔

تفصیلات کے مطا بق کوئٹہ کے نواحی علاقے ڈیگاری میں واقع کوئلے کی کان میں زہریلی گیس بھرنے سے زور دار دھماکہ ہوا جس کے نتیجے میں کان میں موجود 11 مزدور اندر پھنس گئے۔

محکمہ معدنیات کے حکام اور لیویز کاعملہ موقع پر موجود ہے اور مزدوروں کو نکالنے کے لئے امدادی کارروائیاں جاری ہیں۔

صدر کول لیبر مائننز کاکہنا ہے کہ کان میں زہریلی گیس بھر جانے سے  ریسکیوآپریشن  میں مشکلات کا سامنا ہے۔

واضح رہے کوئلے کی کان میں حادثہ گذشتہ رات کوپیش آیا لیکن ایک دن گزرنے کے باوجود کا نکنوں کو نہ نکالا جاسکا ہے۔