حکومت کی جانب سے لاہور میں نوازشریف کی ذاتی رہائش گاہ کی چار دیواری  پر سرکاری خرچ کا نوٹس لے لیاگیا ہے۔

اپنے حلقے ننکانہ صاحب میں تقریب سے خطاب میں وفاقی وزیر داخلہ اعجاز شاہ کہتے ہیں  کہ نوازشریف نے اپنے جاتی امراء والے گھر کی چار دیواری سے قومی خزانے کو نقصان پہنچایا ہے  ، انہوں نے دعوٰی کیا کہ نوازشریف نے اپنے ذاتی گھر کی چار دیواری کی تعمیر پر سرکاری خزانے سے اٹھائیس کروڑ روپے خرچ کیے۔

 وفاقی وزیرداخلہ نے واضح کردیا  کہ 28 کروڑ روپے جمع نہ کرائے تو چار دیواری گرادیں گے۔

 تقریب سے خطاب میں انہوں نےبتایا ہے کہ نواز شریف نے غیر ملکی دوروں پر ایک ارب 83 کروڑ ، جبکہ آصف زرداری نے 134 دوروں پر ایک ارب 42 کروڑ  روپے  خرچ کیے گئے ہیں۔